Apple эски Android смартфонларни янги iPhone’га алмаштиради » Ўзбекистон янгиликлари – Zamin.uz

Apple эски Android смартфонларни янги iPhone’га алмаштиради

Apple эски Android смартфонларни янги iPhone’га алмаштиради

Apple компанияси Android операцион тизимидаги смартфонларни ўзининг янги маҳсулотлари тўловининг бир қисми сифатида қабул қилишни бошлайди. Бу ҳақда Bloomberg хабар бермоқда.

Шу тариқа, Android операцион тизимидаги смартфонлар эгалари ўз қурилмасини Apple дўконига олиб бориб, iPhone ёки iPad’ни чегирма билан сотиб олишлари мумкин бўлади.

Нашрнинг таъкидлашича, “trade-in” усулидаги савдо компанияга бошқа маркали смартфон фойдаланувчиларини ўз томонига оғдириш имконини беради.

Эски гаджет Apple дўконига олиб келингач, ходим уни баҳолайди ва тегишли миқдордаги чегирмали карта беради. Карта ёрдамида iPhone, iPad ёки Apple’нинг бошқа маҳсулотларини сотиб олиш мумкин.

Маълум қилинишича, Apple фақатгина яхши сақланган ҳамда харидоргир смартфонларни қабул қилади. Бу таклиф бир неча ҳафта ичида амалга оширилади.

Манба: www.kun.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru