Samsung мижозларни янги қайрилма мониторлар билан таништирди » Ўзбекистон янгиликлари – Zamin.uz

Samsung мижозларни янги қайрилма мониторлар билан таништирди

Samsung мижозларни янги қайрилма мониторлар билан таништирди

CES 2015 халқаро кўргазмасида Samsung корпорацияси қайрилма экранга эга 34 дюймли SE790C монитори тақдимотини ўтказган эди. Монитор 1200 долларга баҳоланган эди.

Энди бу турдаги моделлар сони яна учтага кўпайди: 31.5, 27 ва 23.6 дюймли SE590C, SE591C ва SE510C мониторлари ишлаб чиқилди. Уларнинг барчаси 1920×1080 экран ечимига эга.

Мониторларнинг статик контрастлиги 5000×1 га тенг. Шунингдек, уларга 2×5 ваттли динамиклар ўрнатилган, лекин бу сифатли мусиқа ёки аудиоёзув чиқариш учун камлик қилади.

Шунингдек, янги мониторлар Eye Saver Mode ва Flicker Free технологиялари билан жиҳозланган. Улардан биринчиси кўзни оғритувчи милтиллашни камайтириб беради, иккинчиси эса экрандаги тасвирда кўк ранг улушини камайтиради.

Янги мониторлар май ойида сотувга чиқарилади. Уларнинг нархи 600, 400 ва 300 долларни ташкил қилади.

Манба: www.kun.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru