Google iPhone’дан Android’га ўтиш учун ёрдам берадиган янги функцияни ишга туширади » Ўзбекистон янгиликлари – Zamin.uz

Google iPhone’дан Android’га ўтиш учун ёрдам берадиган янги функцияни ишга туширади

Google iPhone’дан Android’га ўтиш учун ёрдам берадиган янги функцияни ишга туширади

Apple ва Google ўртасида мобил операцион тизим бозорини эгаллаш бўйича жиддий рақобат кетаётгани барчага маълум. Сўнгги пайтларда, Samsung ва Google сингари компаниялар iPhone’дан Android’га ўтишда фойдаланувчининг файлларини осонлик билан кўчиришга ёрдам берадиган бир қатор функцияларни яратиб келмоқдалар. Шундай функцияларда бири яқинда iOS дастурига мўлжалланган Google Drive иловасида пайдо бўлади. Энди iPhone смартфондан Android қурилмага ўтишни истаганлар ушбу илова орқали iPhone’даги барча маълумотларни (календарь, контактлар, расм ва бошқа) архивлаб, кейинчалик уларни Android смартфонда қайта тиклашлари мумкин, деб ёзмоқда Terabayt.uz сайти.

Янги функция iOS’га мўлжалланган Google Drive иловасидаги “Backup” (Архивлаш) менюсида амалга оширилади. Google компаниясининг аниқлик киритишича, ушбу жараён бир неча соатни талаб этиши мумкин, Шу боис бундай пайтда iPhone’га зарядлаш қурилмасини улаш тавсия этилади.

Ушбу илованинг iOS дастурига мўлжалланган янги версиясини тез орада юклаб олиш мумкин бўлади.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.

Рейтинг:
  • Dislike
  • 0
  • Like
Ҳавола:
Рейтинг@Mail.ru