Қозоғистоннинг Жаҳон савдо ташкилотига аъзо бўлиши мамлакатдаги телекоммуникацион хизматлар нархининг камайишига олиб келади » Ўзбекистон янгиликлари – Zamin.uz
04-07-2015 | 21:13 ZAMIN.UZ / Технология / 04 Июл 2015
755

Қозоғистоннинг Жаҳон савдо ташкилотига аъзо бўлиши мамлакатдаги телекоммуникацион хизматлар нархининг камайишига олиб келади

Қозоғистоннинг Жаҳон савдо ташкилотига аъзо бўлиши мамлакатдаги телекоммуникацион хизматлар нархининг камайишига олиб келади

Қозоғистоннинг Жаҳон савдо ташкилотига аъзо бўлиши мамлакатнинг телекоммуникацион хизматлар кўрсатиш бозорига хорижий компанияларни жалб қилади, деб хабар бермоқда Kun.uz.

Қозоғистон 2,5 йилдан кейин хорижий компанияларнинг мамлакатдаги телекоммуникацион компаниялар устав капиталидаги иштирокининг 49 фоизлик чекловини бартараф қилади. Бу ҳақда Қозоғистон иқтисодий интеграция ишлари бўйича вазири Жанар Айтжанова маълум қилди.

Вазирнинг таъкидлашича, Қозоғистоннинг ЖСТга кириши бўйича олиб борилган музокаралар жараёнида бу чекловни “Казахтелеком” АЖ учун сақлаб қолишга муваффақ бўлинди.

“Миллий хавфсизлик манфаатларига мос ҳолда биз ушбу чекловларни “Казахтелеком” учун сақлаб қоламиз. Яъни, бу компанияда хорижий капитал 49 фоиздан оша олмайди, қолган компаниялардан эса ЖСТга кирилган санадан 2,5 йилдан кейин бу чекловлар олинади”, деб айтмоқда Айтжанова.

“Буни нима беради? Бу мамлакат телекоммуникацион хизматлар бозорига хорижий компанияларни жалб қилади, хизматлар сифатини яхшилайди, ассортиментнинг кўпайиши ҳамда телекоммуникацион хизматлар нархининг камайишига олиб келади”, деб қўшимча қилиб ўтди Жанар Айтжанова.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.

Рейтинг:
  • Dislike
  • 0
  • Like
Ҳавола:
Рейтинг@Mail.ru