Adidas компанияси Runtastic компаниясини 220 млн еврога сотиб олди » Ўзбекистон янгиликлари – Zamin.uz

Adidas компанияси Runtastic компаниясини 220 млн еврога сотиб олди

Adidas компанияси Runtastic компаниясини 220 млн еврога сотиб олди

Ўзининг юқори технологияларга иштиёқи билан маълум бўлган, спорт кийими ва анжомлари ишлаб чиқарувчи Adidas Group компанияси 2009 йилда ташкил этилган, Австриянинг фитнес учун дастурий таъминот ишлаб чиқарувчи Runtastic компаниясини сотиб олганини маълум қилди.

Runtastic жисмоний фаолликнинг тезлик, вақт, сарфланган калориялар ва бошқа кўплаб кўрсаткичлари ҳисобини юритувчи технологияларга эга. Бундай дастурлар фаол турмуш тарзини юритувчи кишилар, мисол учун, югурувчилар ва велосипедчилар орасида жуда оммалашган. Айнан шундай тоифадаги одамлар Adidas учун муҳим мижозлар ҳисобланади.

Ҳозирда Runtastic ишлаб чиқарган 20 дан кўпроқ турли дастурлар 140 млн мартадан кўпрок марта юкланиб олинган. Дастурлар барча мобиль операцион тизимлар (iOS, Android, Windows Phone BlackBerry) учун 18 тилда ишлаб чиқилган. Бундан ташқари, компания ўзининг шахсий фитнес-билакузуклар ва бошқа спорт усуналари модель қаторига эга. Runtastic’нинг энг йирик акционери Axel Springer медиаконцерни ҳисобланиб, у компаниянинг 50,1 фоиз улушига эга.

Runtastic акцияларини харид қилиш Adidas’га «одамлар ҳаётини спорт орқали ўзгартиришга» қаратилган ўзининг «Янгилик яратиб» концепциясини риворжлантиришга имкон беради. Келишув 220 млн еврони ташкил қилди ва Runtastic Adidas Group’нинг бўлинмаларидан бири сифатида ўзининг яхлитлигини сақлаб қолади. Натижада оддий фойдаланувчилар компания эгаси ўзгарганини ҳаттоки сезмайдилар.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru