Бостондаги тиббиёт марказида ўлим санасини тахмин қиладиган суперкомпьютер ўрнатилди » Ўзбекистон янгиликлари – Zamin.uz

Бостондаги тиббиёт марказида ўлим санасини тахмин қиладиган суперкомпьютер ўрнатилди

Бостондаги тиббиёт марказида ўлим санасини тахмин қиладиган суперкомпьютер ўрнатилди

Бостондаги (АҚШ) Beth Israel Deaconess Medical Center тиббиёт марказида шифокордан тез ташҳис қўя оладиган ва ўлим санасини аниқлашга қодир суперкомпьютер ўрнатилди. Қурилмада кейинги 30 йил мобайнида ёрдам сўраб мурожаат этган 250 минг мижоз ҳақидаги маълумот битта компьютер тизимига жамланган. Бу ҳақда «Gazeta.kz»га асосланиб «Дарё» нашри хабар бермоқда.

Компьютер бемордаги қон босими, қондаги кислород даражаси, тана ҳарорати, томир уриши кўрсаткичларини тўплайди. Бу маълумотлар марказий базада қайта ишланиб, мавжуд манбалар ҳажмини ва ўз-ўзидан, башоратлар аниқлиги эҳтимолини оширади.

«Биз бемор тўғрисидаги ҳамма нарса, жумладан, ҳозирги аҳволи ва олдинги барча шикоятлари тўғрисидаги маълумотларни тўплаймиз, — дея ҳикоя қилади суперкомпьютер яратувчиларидан бири Стив Хорнг. —Бу манбаларни шундай дардга чалинган бошқа мижозларнинг ҳолати билан солиштириб кўриб, касалликнинг кечиши ва ривожланишини олдиндан айтиб беришимиз мумкин. Шунингдек, кишида кейинчалик пайдо бўладиган хасталикларни ҳам тахмин қила оламиз. Агар компьютер бемор ўлим ёқасида эканлигини тахмин қилса, бу тахминнинг амалга ошиш фоизи жуда юқори».

Мутахассислар бундай қудратли имкониятга эга қурилмани ишга туширишдан мақсад шифокорларнинг ўрнини эгаллаш эмас, балки тиббиёт ходимларидаги мавжуд салоҳият самарадорлигини оширишдан иборат эканини таъкидламоқда.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru