Beeline ва ICTNEWS журналистлар учун “Алоқада бўл-2015” танловини ўтказишмоқда » Ўзбекистон янгиликлари – Zamin.uz

Beeline ва ICTNEWS журналистлар учун “Алоқада бўл-2015” танловини ўтказишмоқда

Beeline ва ICTNEWS журналистлар учун  “Алоқада бўл-2015” танловини ўтказишмоқда

Beeline ва ICTNEWS таҳририяти “Алоқада бўл!” номли телекоммуникация ва IT соҳасига оид энг яхши журналистик иши танловини эълон қилади. Танловда босма ва онлайн-ОАВ, шунингдек радио ва ТВ вакиллари бўлган журналистлар иштирок этишлари мумкин.

2015 йил 9 октябрдан 15 декабр кунига қадар (шу кун ҳам киради) нашр этилган ёки эфирга чиқган исталган жанрдаги муаллифлик ишлари муҳокамага қабул қилинади. Танловда иштирок этиш учун pr@beeline.uz электрон манзилига ““Алоқада бўл!” танлови” белгиси билан ариза юбориш лозим. Муаллифнинг ФИШ ва унинг тахаллуслари, иш жойи, контакт телефонлари ва танлов ишининг нашр қилинган санаси (босма ОАВ), эфирга чиқган санаси (радио/ТВ) ёки интернет-ОАВда нашр этилган мақолага ҳавола кўрсатилган ҳолда мактуб юбориш лозим.

Воқеани шарҳлар экан, Unitel‘нинг жамоатчилик билан алоқалар хизмати раҳбари Ораз Абдуразаков қуйидагиларни қайд қилди: “Тўрт йилдан бери биз марказий ҳамда ҳудудий ОАВни телеком-индустрияни ёритиш ва ушбу сегментда инновацияларни ривожлантиришга жалб қилиш учун “Алоқада бўл” танловини ўтказмоқдамиз. Ўтган йиллари биз ушбу танловдга бўлган қизиқиш фақатгина соҳа журналистларида эмаслиқини гувоҳи бўлдик. Бу турли форматли ОАВни жамоатчилик учун АКТ мавзусидаги қизиқарли профессионал нашрлари билан ахборот майдонини бойитишга тайёрликларини кўрсатади. Танломизда ҳамкасбларимизга омад тилаймиз!”

Танлов ғолиблари дипломлар ва қуйидаги қимматбаҳо совринлар билан тақдирланадилар:

• I ўрин – Samsung Galaxy Note 10.1 планшети

• II ўрин – Samsung Galaxy S III Mini смартфони

• III ўрин – UZTE Grand V7 смартфони

Танлов ишларини телеком соҳасининг обрўли экспертлари, журналистлар ва блогерлардан иборат жюри баҳолайди. “Алоқада бўл!” лойиҳасининг якунлари 2015 йил декабр ойида сарҳисоб қилинади.

Батафсил маълумот www.ictnews.com сайтида.

Бизни Телеграм орқали кузатиб боринг: https://telegram.me/zaminuz

Теглар: Beeline

Рейтинг:
  • Dislike
  • 0
  • Like
Ҳавола:
Рейтинг@Mail.ru