Ўзбекистонда уяли алоқа операторлари даромадига қараб солиқ тўлайдиган бўлди » Ўзбекистон янгиликлари – Zamin.uz
04-01-2016 | 19:41 ZAMIN.UZ / Технология / 04 Январ 2016
1 461

Ўзбекистонда уяли алоқа операторлари даромадига қараб солиқ тўлайдиган бўлди

Ўзбекистонда уяли алоқа операторлари даромадига қараб солиқ тўлайдиган бўлди

2016 йил 1 январдан бошлаб Ўзбекистон уяли алоқа операторлари ўз фаолиятидан оладиган даромадга қараб солиқ тўлайди. Бу ҳақда Kun.uz хабар бермоқда.

Sputnik агентлиги хабарида келтирилишича, агарда уяли алоқа соҳасида ишлайдиган корхона рентабеллиги 20 фоизни ташкил этса, оператор одатий ставка бўйича — 7,5 фоиз солиқ тўлайди. Даромаднинг 20 фоиздан ошган қисмидан эса 50 фоиз солиқ олинади.
Ахборот технологиялари ва коммуникациялар вазирлиги маълумотига қараганда, Ўзбекистонда 2015 йилнинг охирида уяли алоқа абонентлари базаси 21,6 миллионни ташкил қилар эди. Бу 2014 йилга қараганда 1,6 миллионга кўп.

Ҳозирги вақтда Ўзбекистон уяли алоқалар бозорида бешта уяли алоқа оператори мавжуд: Билайн, Юселл, ЮМС, Перфектум ва Узмобайл компаниялари. Ўзбекистонда уяли алоқа хизмати асосан GSM стандартида кўрсатилади. Перфектум ва Узмобайл компаниялари CDMA стандартларида хизмат кўрсатади.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.

Рейтинг:
  • Dislike
  • 0
  • Like
Ҳавола:
Рейтинг@Mail.ru