Ba’zilar boshqalarni o‘ziga o‘xshab fikrlamagani uchun yoqtirishmaydi.
* * *
Notiqlar o‘zlari ishonmaydigan gaplarga boshqalarni ishontirmoqchi bo‘lishadi.
* * *
Har bir odam – o‘qilmagan kitob, deyilganidek, biz qo‘pincha bu kitobning mazmuniga emas, muqovasiga qarab, baho beramiz.
* * *
Bir vaqtlar “Do‘ppisi tushib ketsa, pulga oldiradi”, degan gaplar bo‘lardi. Bugun xizmat ko‘rsatish sohasi ancha rivojlanib ketdi. Agar topish-tutishingiz yaxshi bo‘lsa, do‘ppingizni tushirib, yana olib beradiganlar topiladi.
* * *
U uzatilgandan olganini, yana bir qancha sanab hamyoniga joylagach, qo‘lini sovunlab yuvdi. Endi halollik haqida ma’ruza o‘qigani chiqadi.
* * *
Ko‘pchilik omadga umid bog‘laydi. Lekin o‘zimiz g‘aflat uyqusida bo‘lsak, omad eshigimizni qoqa-qoqa qaytib ketganini ham sezmay qolishimiz mumkin.
* * *
Ba’zi rasmlarni ko‘rsangiz, xuddi tirikdek taassurot qoldiradi. Ba’zi tirik insonlar esa suratga o‘xshab ketadi.
* * *
Kundalik iste’molda shirin asal ham, achchiq qalampir ham kerak. Faqat ularning har birining o‘rni va me’yorida ishlatishni bilish kerak!
* * *
“Telefon xizmat ko‘rsatish doirasidan tashqarida” degan javobni eshitganda, o‘ylanib qolasan: telefon-ku mayli-ya, ba’zi bir odamlar ham o‘z xizmat ko‘rsatish doirasidan tashqarida qolib ketmayaptimi?
* * *
Ayrim insonlarning qilmishini ko‘rganda, kalamush uyalar, ilon po‘st tashlar ekan.
* * *
Boshqalarni pastga urish bilan o‘zing ko‘tarilmaysan.
Manba: mulohaza.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Erdo‘g‘on: «Isroil Gitlerdan ham o‘tib ketdi»
«Real Madrid» ustozi Karlo Anchelotti kechagi g‘alabadan so‘ng nimalar dedi?
O‘zbekistonda zilzilaga tayyorgarlik kuchaytiriladi
Biznes imkoniyatingizni kengaytiring
AQSH razvedkasi: Ukraina 2024 yil oxirigacha urushda yutqazishi mumkin
Qondagi shakar miqdorini tartibga soluvchi foydali meva nomi aytildi
Xotirani yaxshilashning juda oddiy usuli topildi
Sirdaryoda budjetga juda ko‘p miqdorda zarar yetkazgan mayning ferma aniqlandi