"Chelsi" Angliyada mavsumdagi dastlabki sovrinni qo‘lga kiritgan jamoaga aylandi. Joze Mourino shogirdlari "Tottenxem"ga qarshi bo‘lib o‘tgan Angliya liga kubogi finalida g‘alaba qozonishdi.
"Aristokratlar" ushbu o‘yinga bir hafta davomida tayyorgarlik ko‘rishdi. Ular o‘yin davomida katta ustunlikka ega bo‘lishmadi, ammo o‘z uslublariga sodiq qolgan holda raqibga himoyada hech qanday imkoniyat qoldirishmadi va o‘zlari yaratgan vaziyatlarning ikkitasidan unumli foydalanishdi.
Bunda "Chelsi" ikkita rekoshet yordam berdi. Birinchi bo‘lim tugashi arafasida burchakdan etkazilgan to‘pni Terri darvoza to‘riga yo‘lladi (rekoshet yordamida). Mourino jamoasiga qarshi o‘yinda birinchi bo‘lib gol o‘tkazish deyarli mag‘lubiyatga teng. "Tottenxem" futbolchisi Erikssenning jarimadan yo‘llagan zarbasi darvoza to‘siniga emas, to‘riga borib tushganida, "shporlar"da qandaydir imkoniyat bo‘lishi mumkin edi. Harri Keynning yolg‘iz o‘zi butun boshli "Chelsi" oldida hech narsa qila olmadi.
O‘yinning 56-daqiqasida Fabregasdan uzatmani qabul qilgan Diego Kosta o‘tkir burchak ostida zarba yo‘lladi. To‘p Uokerning oyog‘iga tegib, darvoza to‘riga borib tushdi. Ugo Loris boshqa tomondan zarba kutgani uchun, to‘pni o‘tkazib yubordi.
O‘yinning qolgan daqiqalarida Mourino shogirdlari himoyada mustahkam o‘ynashdi. Shu tariqa, "Chelsi" o‘z tarixida beshinchi marta Angliya liga kubogini boshi uzra baland ko‘tardi.
Angliya liga kubogi, final
Chelsi – Tottenxem 2:0 (1:0)
Gollar: 1:0 – 45 Terri, 2:0 – 56, avtogol Uoker.
Chelsi – Chex, Zuma, Terri, Keyxill, Aspilikueta, Villian (Kuadrado, 76), Ramires, Ivanovich, Fabregas (Oskar, 88), Azar, Diego Kosta (Drogba, 90).
Tottenxem – Loris, Dayer, Rouz, Uoker, Vertongen, Bentaleb, Meyson (Lamela, 71), Eriksen, Shodli (Soldado, 80), Taunsend (Dembele, 62), Keyn.
Ogohlantirishlar: Dayer (31), Villian (70), Keyxill (72), Bentaleb (78), Kuadrado (85).
Manba: www.stadion.uz “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Eron prezidenti jiddiy bayonot berdi: «Isroildan hech narsa qolmaydi»
Ortiqcha vaznli insonlar uchun sog‘lom ovqatlanishning beshta muhim qoidasi
Qaysi kundalik odatlar immunitet pasayishiga olib kelishini bilasizmi?
Vladimir Putin «Krokus»da sodir etilgan terakt uchun o‘ch olishga chaqirdi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi