Nodirbek Yakubboyev shaxmat bo‘yicha JCh bronza medali sohibi bo‘ldi

O‘smirlar o‘rtasida shaxmat bo‘yicha jahon chempionatida 61 mamlakatdan 412 sportchi ishtirok etdi, "gazeta.uz" nashri
20 sentyabrdan 4 oktyabrga qadar Rossiyaning Xanti-Mansiy shahrida 14, 16 va 18 yoshgacha bo‘lgan o‘smirlar va qizlar o‘rtasida shaxmat bo‘yicha Xalqaro shaxmat federasiyasi (FIDE) jahon chempionati bo‘lib o‘tdi.

Musobaqada 61 mamlakatdan 412 shaxmatchi (221 o‘smir va 191 qiz) qatnashdi. Sportchilar ikki — har ikki jins vakillari ishtirok etishi mumkin bo‘lgan «open» va faqatgina qizlar uchun seksiyada bahsga kirishdi. O‘zbekiston termasidan olti nafar shaxmatchi qatnashdi.

O‘zbekiston vakillaridan faqat bir nafari — Nodirbek Yakubboyev (jahon reytingida 2431 punkt) 43 mamlakatdan kelgan 76 nafar 14 yoshgacha sportchi o‘rtasida 11 tur yakunlariga ko‘ra bronza medaliga sazovor bo‘ldi.


18 yoshgacha qizlar orasida gresiyalik Stavrula Solakidu, o‘smirlar o‘rtasida armanistonlik Manuel Petrosyan oltin medalga sazovor bo‘ldi. Hindistonlik Xagavene Alanksha hamda Armaniston vakili Xaik Martirosyan 16 yoshgacha bo‘lgan o‘smirlar va qizlar o‘rtasida g‘olib deb topildi.

14 yoshgacha shaxmatchilar orasida xitoylik Chju Jiner hamda Semyona Lomasova birinchi o‘rinni band etdi.
“Zamin” yangiliklarini “Odnoklassniki”da kuzatib boring