Xitoyda Samsung smartfonlari portlab ketishi bilan bog‘liq ilk holat qayd etildi. Bu haqda Bloomberg'ga asoslanib "Kun" xabar berdi.
19 sentyabr kuni Janubiy Koreya kompaniyasi mahsuloti bo‘lgan ikkita Galaxy Note 7 smartfoni portlashi qayd etilgan.
Samsung kompaniyasidagilarning bildirishicha, bu smartfonlarga ATL kompaniyasi tomonidan tayyorlangan batareyalar o‘rnatilgandi. Boshqa mamlakatlarga sotilgan va muammolar kuzatilgan smartfonlarda esa Samsung SDI kompaniyasi tayyorlagan mahsulotlar o‘rnatilgan.
Samsung SDI kompaniyasi Galaxy Note 7 uchun batareyalarning 70 foizini etkazib bergan.
Sentyabr oyi boshida Samsung Galaxy Note 7 sotuvi boshlangan vaqtdan buyon AQShda smartfonning yonib ketishi bilan bog‘liq o‘nlab holatlar qayd etilgani ma’lum bo‘lgach, kompaniya o‘z mahsulotidan foydalanish xavfli ekanini tan oldi.
Samsung kompaniyasi Galaxy Note 7 yonib ketishining dastlabki sababini ma’lum qilgan. Bunga ishlab chiqarishdagi xatoliklar sabab bo‘lgan. Nuqson batareyalar tarkibidagi plastinaga bosim ko‘rsatilishi natijasida kelib chiqqan. Samsung’dagilar batareya shikastlanishining «aniq sababi»ni topish uchun yanada puxtaroq tahlil o‘tkazish zarurligini ta’kidladi.
Hozirda Samsung kompaniyasi Galaxy Note 7 smartfonlarini almashtirishni yo‘lga qo‘ygan. Barcha mahsulotlar yangisiga almashtirib berilmoqda.
Bu muammolar kompaniyaga katta zarar keltirmoqda. 12 sentyabr, dushanba kuni Seuldagi Koreya birjasida savdolar yakunlanadigan payt ularning narxi donasi uchun avvalgidek 1,639 million von (1487 dollar) emas, 1,465 million vonni tashkil etdi.
Ekspertlar taxminiga ko‘ra, uzoq muddatli istiqbolda Galaxy Note 7 bilan bog‘liq muammolar Samsung mavqeyiga 211 milliard dollar atrofida zarar keltirishi mumkin. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Ramzan Qodirovning 19 yoshli qizi medal bilan taqdirlandi
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Toshkentda 02 kodli avtoraqamlar taxminan qachon paydo bo‘lishi aytildi
Eron prezidenti jiddiy bayonot berdi: «Isroildan hech narsa qolmaydi»
Germaniyada maktab o‘quvchilari ommaviy ravishda islom dinini qabul qilmoqda
Germaniyaning Knauf kompaniyasi Rossiyadan butunlay chiqib ketishini tasdiqladi
Qaysi kundalik odatlar immunitet pasayishiga olib kelishini bilasizmi?