22:49 / 28.10.2016
7 556

Intel kompaniyasi yirik monoblok-planshetni patentladi

Intel kompaniyasi yirik monoblok-planshetni patentladi

Jahon bozorida, asosan, texnologik prosessorlar ishlab chiqarish bilan tanilgan Intel firmasi 2012 yilda 27 dyuymli monoblokni namoyish qilgan edi. Mazkur kompyuter ham elektr tarmog‘idan, ham o‘rnatilgan batareyadan ishlashi bilan barchaning e’tiborinit tortgan. Kuni kecha tarmoqda firmaning mazkur monoblokka o‘xshash qurilmasining tasvirlari paydo bo‘ldi. Aftidan, Intel bundan 4 yil oldin tayyorlagan monoblokini yanada takomillashtirishni maqsad qilgan ko‘rinadi.

Terabayt nashrining xabar berishicha, mazkur patentda bo‘lajak qurilmaning dizayni tasvirlangan. Uning texnik ko‘rsatkichlari va boshqa imkoniyatlari borasida hozircha hech qanday ma’lumot mavjud emas. Patentda yirik planshetning yuqori va quyi qismiga dinamik o‘rnatilishi haqida so‘z boradi, xolos. Shuningdek, monoblok/planshet yengil transformasiya uchun tutqichga ham ega bo‘lishi qayd etilgan.

Hozircha yangi modelga qaysi o‘lchamdagi displey o‘rnatilishi noma’lum. Intel ushbu qurilmani kelasi yil boshida o‘tkaziladigan xalqaro ko‘rgazmalarning birida taqdim etishi taxmin qilinmoqda.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Texno » Intel kompaniyasi yirik monoblok-planshetni patentladi