23:12 / 19.11.2016
8 522

Turkiya prezidenti juma namozini Imom Buxoriy ziyoratgohida ado etdi

Turkiya prezidenti juma namozini Imom Buxoriy ziyoratgohida ado etdi

Turkiya prezidenti Rejeb Tayyip Erdo‘g‘an islom olamining buyuk muhaddisi Imom Buxoriy maqbarasini ziyorat qildi va ziyoratgohda joylashgan masjidda juma namozini o‘qidi, deyiladi "Diydoraziz" nashrida.

Ziyoratgohda Turkiya prezidentini O‘zbekiston musulmonlari idorasi raisi, muftiy Usmonxon Alimov va Samarqand viloyati bosh imom-xatibi Nuriddinxon Islomov kutib oldi.

Juma namozidan keyin Imom Moturidiy maqbarasini ham ziyorat qilgan Erdog‘an Registon maydoniga keldi. Bu erda Ulug‘bek, Sherdor va Tillakori madrasalarini tomosha qildi.

Shundan so‘ng Turkiya prezidenti buyuk sarkarda Amir Temur maqbarasini ziyorat qildi.

Ziyoratlarda Erdog‘anga Turkiya Bosh vaziri o‘rinbosarlari Tug‘rul Turkesh va Veysi Kaynak, Oila va ijtimoiy siyosat vaziri Fatma Betul Sayan Kaya, Tashqi ishlar vaziri Mevlut Chavusho‘g‘li, Iqtisodiyot vaziri Nihat Zeybekchi, Energetika va tabiiy resurslar vaziri Berat Albayrak, Qurolli kuchlar bosh qo‘mondoni Xulusi Akar va Milliy razvedka tashkiloti rahbari Hakan Fidan hamrohlik qildi.

Ziyoratlardan so‘ng Rejeb Tayyip Erdo‘g‘an Samarqand aeroportidan Turkiyaga jo‘nab ketdi.

Dasturlash foundation


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » O‘zbekiston » Turkiya prezidenti juma namozini Imom Buxoriy ziyoratgohida ado etdi