6 815
Huffington Post: Klintonga ovoz berish – Rossiya va Xitoy bilan urushishga ovoz berishdir
AQSh prezidentligiga Demokratik partiyadan nomzod Hillari Klinton Amerikaning va boshqa mamlakatlardan o‘ziga xosligiga ko‘r-ko‘rona ishonishi barobarida urushlar olib borish siyosatini qo‘llab-quvvatlaydi, shunga ko‘ra, u Xitoy va Rossiya bilan qurolli mojaro keltirib chiqarishi ham mumkin, deb yozmoqda Huffington Post sharhlovchisi Bryus Feyn.
"Agar siz, Rossiya va Xitoy halqlariga ozodlik, adolat, qadr-qimmat va sivilizasiyani etkazish borasida “ilohiy vazifa”ni bajarish lozim va buning uchun ularga qarshi Kongress tomonidan e’lon qilinmagan urush zarur, deb hisoblasangiz, prezidentlik uchun demokratlar nomzodi Hillari Klintonga ovoz bering", — deydi Feyn. Uning xotirlashicha, demokratlarning "Qo‘shma Shtatlar — insoniyat lokomotivi, dunyoning boshqa qismi — tormoz vagonlari" degan qat’iy ishonchi qachonlardir Vetnam urushiga olib kelgandi.
Muallif Klintonning avgust oyida Amerika legioni oldida qilgan ma’ruzasini yodga olib, uning agressiv ohangdagi, vatanparvarlarning eng nozik joyidan olgan holda, tashqi siyosatdagi qarashlarini izhor qilganini ta’kidlaydi.
Klinton xonim, o‘shanda AQShning "o‘ziga xos" va "tengi yo‘q" mamlakat ekanligini qayd etib, butun dunyo va xalqlar AQSh etakchiligini kuzatib turganini, Vashington o‘zining "yuqoridan belgilangan" vazifasini bajarmay qo‘ysa, jahon boshboshdoqlik va tartibsizlik girdobida qolishi mumkinligini katta ishonch bilan qayd etgan edi.
"Har holda, 1776 yilda Er sayyorasida AQSh degan davlat paydo bo‘lgunicha ham minglab yillar davomida dunyo mavjud bo‘lgani Klinton xonimni unchalik ham o‘ylantirmaydigan ko‘rinadi", — deya qayd etadi muallif.
Klintonning tinchlik, taraqqiyot va erkinlik tushunchalari haqidagi qarashi qanday ekanini, uning senator, davlat kotibi va AQSh prezidentligiga nomzodligi vaqtidagi faoliyatlaridan ham bilsa bo‘ladi.
"U urushlarni, ya’ni Afg‘oniston, Iroq, Yaman, Somali va Liviyada insonlarni qasddan o‘ldirishga qonuniy tus berishni qo‘llab-quvvatlagan va shunday qilmoqda", — deyiladi maqolada. AQShning bu mamlakatlardagi harbiy mojarolarga aralashuvi esa, tartibsizlikka barham berishi o‘rniga uni kuchaytirdi xolos
"Klinton davlat kotibi lavozimida ishlagan vaqtlarda Ukrainadagi tuzumni ag‘darishga rejissyorlik qildi, shundan so‘ng, yangi hukumatga harbiy yordam berish fikrini himoya qildi. U, shuningdek, Rossiya manfaatlari doirasiga kiruvchi Boltiqbo‘yi mamlakatlari va Polshada Amerika harbiylari sonini kengaytirishni ma’qullaydi".
Rossiya va Xitoyga chin ma’noda “maydon o‘qish” nimalarga olib kelishini tasavvur qilish uchun tarix sahifalarida ma’lumotlar etarli. Xususan, XXR Koreya yarimorolidagi urush davrida, AQShning kuch ishlatishi haqidagi tahdidlaridan so‘ng, general Duglas Makartur armiyasiga 3 mln kishilik harbiy va fuqarolardan iborat yirik kuchni yuborgan edi. SSSR esa, o‘z vaqtida AQShning Turkiya va Italiyada yadro kallaklarini joylashtirganiga javoban Kubaga raketalarini olib borgandi.
Shunday ekan, Hillari Klinton Rossiya, Xitoy va yoki har qanday tormoz vagoni bo‘lishni istamagan davlat bilan urush qilishga tayyor.
"Men sizni ogohlantirdim", — deya xulosa qiladi Feyn.
Manba: Kun.uz “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
HAMAS yetakchisi: Isroil Rafahga kirsa, Falastin xalqi oq bayroqni ko‘tarmaydi
Sariqmi yoki yashil: qaysi turdagi banan foydaliroq?
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Germaniyada maktab o‘quvchilari ommaviy ravishda islom dinini qabul qilmoqda
Toshkentda 02 kodli avtoraqamlar taxminan qachon paydo bo‘lishi aytildi
Rossiya dunyodagi birinchi vodorod yoqilg‘ili avtomobilni taqdim etdi
Qaysi kundalik odatlar immunitet pasayishiga olib kelishini bilasizmi?
Eron prezidenti jiddiy bayonot berdi: «Isroildan hech narsa qolmaydi»