01:34 / 30.10.2016
7 564

Angliyadagi eng qadimiy mehmonxona yonib ketdi

Angliyadagi eng qadimiy mehmonxona yonib ketdi

Angliyaning eng qadimiy mehmonxonasi Royal Clarence Devon grafligidagi Ekseter shahri markazini qamrab olgan yong‘inda butkul vayron bo‘ldi. Yong‘in ikki kundan beri to‘xtamayapti, deb xabar bermoqda "Kun.uz" sayti.

Shaharning bosh savdo ko‘chasi va cherkov o‘rtasidagi yong‘in 28 oktyabrda ertalab Castle Fine Art nozik san’at galereyasi ostida joylashgan xonalarda boshlangan. So‘ngra olov 18-asrga mansub karvonsaroy Well House Tavern’ning sobiq binosiga o‘tgan. Bu erda oxirgi yillar kafe joylashgan bo‘lgan. U erdan yong‘in mehmonxona tomiga o‘tgan.

Royal Clarence qadimiy shaharning eng diqqatga sazovor joylaridan biri hisoblangandi. Yong‘indan so‘ng uning faqatgina old devori qoldi, biroq u ham qulab tushishi aytilmoqda.

Ta’kidlanishicha, o‘t o‘chiruvchilar yaqin orada yong‘inni bartaraf etishadi. Hech kim jabr ko‘rmagan, barcha odamlar vaqtida evakuasiya qilinganlar. Yong‘in sababi hanuzgacha noma’lumligicha qolmoqda.

Royal Clarence mehmonxonasi 1769 yilda qurilgan va Angliyada mehmonxona maqomini olgan birinchi bino bo‘lgan.

arenda kvartira tashkent


Ctrl
Enter
Xato topdIngizmi?
Iborani ajratib Ctrl+Enter tugmasini bosing
Yangiliklar » Dunyo » Angliyadagi eng qadimiy mehmonxona yonib ketdi