Ўзбекистон Миллий кутубхонасида «Англия куни» бўлиб ўтди » Ўзбекистон янгиликлари – Zamin.uz

Ўзбекистон Миллий кутубхонасида «Англия куни» бўлиб ўтди

Ўзбекистон Миллий кутубхонасида «Англия куни» бўлиб ўтди

25 апрель куни Буюк Британиянинг Тошкентдаги элчихонаси Алишер Навоий номидаги миллий кутубхонада «Англия куни» деб номланган маданий-маърифий тадбир ўтказди. Бу ҳақда Буюк Британиянинг Тошкентдаги элчихонаси матбуот хизмати маълум қилди.

Ушбу тадбир Буюк Британияда нишонланаётган бир қатор муҳим саналарга: 21 апрель Қиролича Элизавета II нинг 90 ёшлиги, 23 апрель – Англия ҳимоячиси Авлиё Георгий куни ҳамда Шекспирнинг таваллуд куни ва ўлимининг 400 йиллигига бағишланди.

Тадбирда иштирокчиларни Буюк Британиянинг маданияти, анъаналари ва адабий мероси билан яқиндан таништириш учун турли мусобақа ва савол-жавоб ўйинлар уюштирилди. Ушбу тадбирда 50 дан ортиқ талаба иштирок этиб, энг фаол иштирокчилар элчихона совринларига эга бўлди. Тадбирда Миллий кутубхона директори Асаджон Хўжаев, Буюк Британия элчиси Кристофер Аллан ва элчи ўринбосари Фиона Макстон сўзга чиқди.

Элчи Аллан, ўз навбатида, инглиз тилини ўрганишга, Британиянинг маданияти, анъаналари ва адабий меросини ўрганишга ортиб бораётган қизиқишни мамнунлик билан таъкидлаб ўтди. Бундан ташқари, келажакда ҳам Миллий кутубхона билан ҳамкорликда турли маданий ва маърифий тадбирларни ташкиллаштиришга тайёрлигини ифодалади.

Рейтинг:
  • Dislike
  • 0
  • Like
Ҳавола:
Рейтинг@Mail.ru