UZ доменидаги сайтлар сони 29 мингтага етди » Ўзбекистон янгиликлари – Zamin.uz

UZ доменидаги сайтлар сони 29 мингтага етди

UZ доменидаги сайтлар сони 29 мингтага етди

Жорий йил 9 ойи мобайнида UZ ҳудудидаги миллий ахборот ресурсларининг ривожланиш ҳолати таҳлил этилганда, доменлар сони 29 мингтага етиб, ўсиш 123 фоизни ташкил қилганлиги аниқланди. Бу ҳақда Ахборот технологиялари ва коммуникацияларни ривожлантириш вазирлигининг 2016 йил 9 ойидаги фаолияти сарҳисобига бағишланган Ҳайъат мажлиси давомида маълум қилинди.

Хабарларга кўра, бугунги кунда uMail.uz электрон почта тизими фойдаланувчилари сони 367 мингдан ошган. Мажлисда шу билан биргаликда, жорий йилда ишга туширилган “Davra.uz” ижтимоий тармоғи фойдаланувчилари сонини ҳам ошириш зарурлиги қайд этилди. Бу сайт Tas-IX ҳудудида жойлашганлиги билан қулайдир.

Мажлисда рақамли телевидениега ўтиш ҳам босқичма-босқич амалга оширилаётганлиги таъкидланди. Хусусан, жорий йил охирига қадар мамлакатимизда 10та рақамли телеузаткичлар ўрнатилади ва рақамли телевидениега ўтиш кўрсаткичи 88 фоизга етиши кўзда тутилган.

Рейтинг:
  • Dislike
  • 0
  • Like
Ҳавола:
Рейтинг@Mail.ru