Тошкентда журналистлар бизнес-мактаби ташкил этилади » Ўзбекистон янгиликлари – Zamin.uz

Тошкентда журналистлар бизнес-мактаби ташкил этилади

Тошкентда журналистлар бизнес-мактаби ташкил этилади

Ўзбекистон Республикаси Хусусийлаштириш, монополиядан чиқариш ва рақобатни ривожлантириш давлат қўмитаси қошидаги Республика бизнес-мактаби томонидан журналистлар учун қатор малака ошириш дастурлари ишлаб чиқилди.

Назарий билимлар қаторида, амалий кўникмалар олишга мўлжалланган курслар қуйидаги йўналишлардан иборат: «Нашрдаги таҳлил», «Газета сони дизайни», «Босма нашрлар билан ишлашда маркетинг технологиялари», «Босма нашр сайти билан ишлаш», «Оммавий нутқ маҳорати», «Савол бериш санъати».

Курслар Ўзбекистон давлат жаҳон тиллари университети доцентлари Ирода Исмоилова, Наргиз Қосимова ва Нозима Муратова, «Халқ сўзи» газетаси бўлим мудири Қобилжон Ҳидировлар томонидан олиб борилади.

Машғулотларда интерактив услублар қўлланилади: машқлар, рол ва вазият ўйинлари. Таълим мобайнида машҳур журналистлар – тажрибали амалиётчилар ва тор ихтисосга эга экспертларнинг иштирок этиш эҳтимоли мавжуд.

Манба: www.kun.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru