15:49 / 07.12.2016
9 433

Навоий шаҳрида 2 нафар «фолбин» қўлга олинди

Навоий шаҳрида 2 нафар «фолбин» қўлга олинди

Икки номаълум аёл Навоий шаҳар Тинчлик кўчасида яшовчи аёлнинг уйига келиб, «қизингизнинг бахтини очиб берамиз» дея алдов йўли билан унинг икки турдаги сариқ металлдан ясалган заргарлик буюмларини олиб кетишган. Жабрланувчи алданганини билгач, ички ишлар органига мурожаат қилган.

Воқеа жойига етиб келган ички ишлар органи ходимлари жиноят жойини кўздан кечириб, жабрланувчи ва унинг қўшнилари билан суриштирув ишлари олиб боришди. Фирибгарларнинг ташқи кўринишлари ҳақида маълумотлар тўпланиб, бир қатор тезкор-қидирув тадбирлари амалга оширилди. Натижада гумонланувчилар тезда қўлга олиниб, улар содир этган жинояти тўлиқ фош этилди.

Аниқланишича, улар Қашқадарё вилояти Шахрисабз туманида яшовчилар 1959 йилда туғилган ва 1981 йилда туғилган аёллар экан.
Ушбу фирибгарлик ҳолати бўйича жиноят иши қўзғатилгиб, тергов ҳаракатлари олиб борилмоқда.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Ўзбекистон » Навоий шаҳрида 2 нафар «фолбин» қўлга олинди