Ёш фарзандини тарбиялаётган талаба қизларга ёрдам пули берилмайдиган бўлди » Ўзбекистон янгиликлари – Zamin.uz

Ёш фарзандини тарбиялаётган талаба қизларга ёрдам пули берилмайдиган бўлди

Ёш фарзандини тарбиялаётган талаба қизларга ёрдам пули берилмайдиган бўлди

Олий ва ўрта махсус таълим ҳамда молия вазирликларининг 2015 йил 6 июлдаги 1339-4-сонли қўшма қарорига мувофиқ, олий ўқув юртларига талабаларига стипендия белгилаш ва тўлаш бўйича йўриқномага ўзгартишлар киритилди, деб ёзмоқда Kun.uz.

Тошкент давлат юридик университетида модуль тизимининг жорий қилиниши муносабати билан ўрнатилган тартибга кўра талабаларга стипендиялар белгилаш ўқув йилида икки марта амалга оширилади. Якуний назоратлардан сўнг кейинги ўқув семестри биринчи ойининг бошида стипендиялар миқдори эълон қилиниб борилади.

Қолган барча олийгоҳларда ўз вақтида академик қарздорликни бартараф қилган (барча предметлар бўйича 55 фоиздан ортиқ балл тўплаган) талабаларга қарздорлик бартараф қилинган ойдан кейинги ойнинг бошида стипендия миқдори белгилаб берилади. Илгари стипендия академик қарздорлик бартараф қилинган ойдан кейинги ойнинг 1-санасида 0.5 коэффициент қўлланган ҳолда кейинги ўқув семестрига қадар белгилаб берилар эди.
Шунингдек, илгари фарзанд тарбиялаш билан шуғулланаётган аёл талабаларга бир пайтнинг ўзида ҳам стипендия, ҳам ойлик ёрдам пули тўланар эди. Янги тартибга кўра, икки ёшгача бўлган болага эга ҳамда кундузги таълим шаклида ўқишда давом этаётган талаба қизларга фақат стипендия берилади.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru