Мусодара қилинган кўчмас мулк пули бозор нархида қоплаб берилади » Ўзбекистон янгиликлари – Zamin.uz

Мусодара қилинган кўчмас мулк пули бозор нархида қоплаб берилади

Мусодара қилинган кўчмас мулк пули бозор нархида қоплаб берилади

Илгари хабар қилинганидек, Ўзбекистон Республикасининг айрим қонунчилик актларига киритилган ўзгартиш ва қўшимчалар 21 август куни кучга кирди. Бу ҳақда Norma.uz га асосланиб Kun.uz хабар бермоқда.

Уларда, бошқа бир қатор масалалар билан бирга, давлат ҳисобига у ёки бу сабаб билан ўтказилган ер участкалари қийматини қоплаб бериш масаласи ҳам тартибга солинди. Бундай ҳолатларда мол-мулки олинган шахсга ушбу мулк қийматига тенг миқдордаги мулк берилади.
Уй-жой кодексига киритилган ўзгартишларда мувофиқ уйлар ва бошқа иншоотларнинг бозор қийматини бозор нархида қоплаб бериш тартиби акс этди. Бу қоида давлат ёки жамоат эҳтиёжлари учун бузиб ташланган мол-мулкни кўзда тутади.

Агар бузилган мол-мулкнинг бозор қиймати эвазига тақдим этилган уй-жой ёки иншоотнинг қийматидан ошиқ бўлган, орадаги фарқ қоплаб берилади. Бунинг акси бўлган ҳолларда, яъни тақдим этилган кўчмас мулк қиймати бузиб ташланганидан ортиқ бўлса, у ҳолда мулкка эгалик қилаётган шахс орадаги фарқни беш йил муддат ичида қоплаб бериши талаб қилинади.

Кўчмас мулкнинг бозор қийматини аниқлаш тартиби Фуқаролик кодексида акс этди. Бу ишни баҳолаш ташкилотлари амалга оширади. Мусодара қилинаётган мулкнинг бозор қийматини баҳолаш тегишли ташкилот томонидан мусодарадан олдинроқ, мусодара ҳақидаги хабар ушбу мулкнинг қийматига таъсир ўтказган паллага мўлжаллаб амалга оширилади.

Шунингдек, етказилган зарар ёки бозор қиймати тўлалигича қопланганмагунига қадар олинаётган ер участкасидаги уй ёки иншоотларни бузиб тақиқланади.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru