Самарқандда иккита ФHDЁ бўлими биноси фойдаланишга топширилди » Ўзбекистон янгиликлари – Zamin.uz

Самарқандда иккита ФHDЁ бўлими биноси фойдаланишга топширилди

Самарқанд шаҳрида фуқаролик ҳолати далолатномаларини ёзиш бўлимлари ҳамда давлат нотариал идораларининг янги бинолари фойдаланишга топширилди. Бу ҳақда «Зарафшон» газетаси хабар бермоқда.

Foto: “Zarafshon” gazetasi

Хабар беришларича, шаҳарда куни кеча 3-сон ФHDЁ бўлими ва 7-сон давлат нотариал идорасининг янгидан қурилган, 4-сон ФHDЁ бўлими ва 4-сон Давлат нотариал идораларининг тўлиқ таъмирланган бинолари фойдаланишга топширилди.

Янги бинода никоҳни тантанали қайд этиш, яъни маросимлар зали, келин-куёвлар учун тегишли ҳуқуқий ва тиббий маслаҳатлар бериладиган «Оила дорулфунуни», ҳужжатларни сақлаш ва бошқа хоналар замонавий ахборот технологиялари ва мебел жиҳозлари билан тўлиқ жиҳозланган.

Маълумот учун, ФHDЁ бўлимлари ва давлат нотариал идоралари моддий-техник базасини мустаҳкамлаш бўйича 2015 йилга мўлжалланган дастурга асосан Самарқанд вилоятида 11 лойиҳа тасдиқланган бўлиб, шундан бештаси янгидан қурилди, яна бештаси тўлиқ таъмирланди.


Манба: Daryo.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru