Visa ва Master Card судга берилди » Ўзбекистон янгиликлари – Zamin.uz
16-06-2016 | 15:07 ZAMIN.UZ / Дунё / 16 Июн 2016 года
496

Visa ва Master Card судга берилди

Visa ва Master Card судга берилди

АҚШнинг йирик хўжалик товарлари билан савдо қилувчи тадбиркорлик тармоғи Home Depot Visa ва Master Card тўлов тизимларини судга берди. Бу ҳақда “Qalampir.uz” хабар бермоқда.

Унда ёзилишича, Home Depot тўлов тизимларини банк дебет ва кредит карталарини микрочип орқали киритишга йўл қўймаслик мақсадида келишиб олганликда ва АҚШнинг монополияга қарши қонунчилигини бузганликда айбламоқда.

Микрочип орқали текшириш анча хавфсиз ва ишончли, бироқ Visa ва Master Card учун фойдалилик даражаси паст. Улар карта билан операцияларни амалга ошириш учун юқори ставкаларни ўрнатганлар, дейилади хабарда.

Мазкур икки тўлов тизимларининг бош қароргоҳлари Home Depot шикоятидан хабардор эканликларини тасдиқладилар. Visa мазкур шикоят иши бўйича масалани Жоржия штатидан Нью-Йоркнинг Бруклин тумани судига кўчириш ниятида.

Маълумот ўрнида, Master Card тўлов тизими 1966 йилда ташкил топган бўлиб, у дунёнинг 210 давлатида 22 минг молия муассасаларини бирлаштирган.

Visa эса 1958 йилда ташкил этилган. Мазкур тўлов тизими 200та мамлакатнинг 21 минг молиявий ташкилотларини бирлаштирган.

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru