Саудия арабистонилик 7 ҳарбий Яман билан чегарадаги тўқнашув вақтида ҳалок бўлди » Ўзбекистон янгиликлари – Zamin.uz
31-07-2016 | 15:01 ZAMIN.UZ / Дунё / 31 Июл 2016 года
423

Саудия арабистонилик 7 ҳарбий Яман билан чегарадаги тўқнашув вақтида ҳалок бўлди

Саудия арабистонилик 7 ҳарбий Яман билан чегарадаги тўқнашув вақтида ҳалок бўлди

Саудия Арабистони Қуролли кучларининг 7 нафар ҳарбийси Яман билан чегарада ҳусийчилар билан тўқнашув келиб чиқиши оқибатида ҳалок бўлди. Бу ҳақда Яман ҳукуматига исёнчилар билан урушда ёрдам кўрсатаётган Араб коалицияси баёнотида маълум қилинган, дейилади "Кун" нашрида.

"Яманда собиқ президент Салоҳнинг тарафдорлари бўлган исёнчилар Саудия Арабистони-Яман чегарасига ҳужум қилишди. Бу ўт очишни тўхтатиш сулҳининг бузилишидир", дейилган хабарда.

Яманда 2014 йилнинг августидан буён қарама-қаршиликлар давом этиб келмоқда. 2015 йилнинг 26 мартида Саудия Арабистони бошчилигидаги коалиция кучлари Абд Раббо Мансур Ҳодий ёнида туриш учун Яманга киргач, вазият янада оғирлашди.

БМТ маълумотларига кўра, Ямандани ҳарбий ҳаракатлар оқибатида ҳалок бўлганлар сони 6,4 мингдан ошган, жароҳатланганлар сони эса 30 минг нафардан ортиқни ташкил қилмоқда.

Рейтинг:
  • Dislike
  • 0
  • Like
Ҳавола:
Рейтинг@Mail.ru