Сурия ҳарбийлари Исроил самолёти уриб туширилгани ҳақида маълум қилди » Ўзбекистон янгиликлари – Zamin.uz

Сурия ҳарбийлари Исроил самолёти уриб туширилгани ҳақида маълум қилди

Сурия ҳарбийлари Исроил самолёти уриб туширилгани ҳақида маълум қилди

Сурия армиясининг ҳаво ҳужумидан мудофаа тизимлари мамлакат жануби-ғарбидаги Кунейтра вилояти ҳудудида Исроил Ҳарбий ҳаво кучларига тегишли ҳарбий самолёт ва учувчисиз учиш қурилмани уриб туширгани ҳақида маълум қилди.

SANA агентлиги хабарига кўра, сурияликлар Исроил самолётлари мамлакат қўшинлари марраларига ҳужум уюштирганидан сўнг жавоб зарбаси қайтариши асносида ушбу ҳодиса рўй берган.

Бундан олдинроқ Исроил авиацияси Голан тепаликларида Сурия ҳудудидан учирилган снаряд портлаганидан сўнг қўшни мамлакат ҳукумати армиясининг артиллерия қисмлари жойлашган ҳудудга ҳужум қилгании ҳақида хабар берилганди.

Исроил армияси кейинги вақтларда Сурия томонидан снарядлар келиб тушиши билан боғлиқ ҳолатлар кескин кўпайгани ҳақида маълум қилган.

Дамашқ ва Тель-Авив муносабатлари Голан тепаликлари бўйича баҳс туфайли таранг ҳолда қолмоқда. Исроил 1967 йили "Олти кунлик" уруш давомида бу ҳудудни эгаллаб олганди. Лекин Дамашқ ҳанузгача бу ҳудудга эгалик қилиш даъволаридан воз кечмаган.

Манба: Кун.уз

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru