Сомалида армия генерали ўлдирилди » Ўзбекистон янгиликлари – Zamin.uz
19-09-2016 | 11:26 ZAMIN.UZ / Дунё / 19 Сентиябр 2016
362

Сомалида армия генерали ўлдирилди

Сомалида армия генерали ўлдирилди

Сомали пойтахти Могадишода теракт оқибатида армия генерали Муҳаммад Жамол Губаъл ва унинг тансоқчилари ўлдирилди, деб хабар бермоқда "Кун" нашри. Ҳужум мамлакат мудофаа вазирлиги биноси яқинида амалга оширилган.

Генерал автомобилига "Аш-Шабоб" террорчилик гуруҳи худкуши томонидан ҳужум қилинган. Машинада генералдан ташқари унинг 7 тансоқчиси бўлган.

Агентлик маълумотларига кўра, Могадишода амалдор шахсларга ҳужумларнинг қўпайиши мамлакатда тинчликни ўрнатиш бўйича саъй-ҳаракатлар доирасида янги парламентга бўладиган сайловлар билан боғланган.

Бир вақтлар мамлакатнинг катта қисмини назорат қилган "Аш-Шабоб" гуруҳи ғарб томонидан қўллаб-қувватланувчи президент Ҳасан Шайх Маҳмуд ҳукуматини ағдариб ташлашга уриниб келмоқда.

Парламентга сайловлар 25 сентябрда бошланиб, 10 октябрда тугаши керак.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.

Рейтинг:
  • Dislike
  • 0
  • Like
Ҳавола:
Рейтинг@Mail.ru