Қуёш батареяларида ҳаракатланувчи Solar Impulse 2 самолёти Ҳиндистонга эсон-омон қўнди » Ўзбекистон янгиликлари – Zamin.uz
11-03-2015 | 11:25 ZAMIN.UZ / Дунё / 11 Март 2015 года
715

Қуёш батареяларида ҳаракатланувчи Solar Impulse 2 самолёти Ҳиндистонга эсон-омон қўнди

Қуёш батареяларида ҳаракатланувчи Solar Impulse 2 самолёти Ҳиндистонга эсон-омон қўнди

Фақат қуёш энергияси ёрдамида дунё бўйлаб саёҳат қилмоқчи бўлган Швейцариянинг қуёш батареяларида ҳаракатланувчи Solar Impulse 2 самолёти 10 март, сешанба куни Ҳиндистоннинг Аҳмадобод шаҳрига келиб қўнди. Бу ҳақда лойиҳа жамоасининг Twitter’даги хабарига таяниб, Interfax маълум қилди.

Бу дунё бўйлаб парвознинг иккинчи босқичидир. Бир кун аввалроқ Solar Impulse Абу-Дабидан учиб кетиб, Уммоннинг Маскат шаҳрига қўнган эди.

Энди самолёт Аҳмадободдан Ҳиндистоннинг бошқа шаҳри — Варанасига йўл олиши керак.

Solar Impulse 2 ўтган йилнинг апрелида тақдим этилган, июнида эса синовлардан муваффақиятли ўтган эди. Унинг қанотлари қулочи 72 метр, оғирлиги 2,3 тоннага тенг. Самолёт қаноти 17,2 мингта қуёш батареялари билан қопланган. Самолётнинг максимал тезлиги соатига 140 километрни ташкил этади.

Манба: www.daryo.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru