Путин икки йилдан буён биринчи марта Обама билан учрашади » Ўзбекистон янгиликлари – Zamin.uz

Путин икки йилдан буён биринчи марта Обама билан учрашади

Путин икки йилдан буён биринчи марта Обама билан учрашади

Душанба куни Россия ва АҚШ президентларининг икки йилдан буён биринчи тўла форматдаги учрашуви Нью-Йоркда бўлиб ўтади. Владимир Путин ва Барак Обама БМТ Бош Ассамблеясидаги чиқишларидан сўнг бир соат давомида ўзаро суҳбат ўтказишади.

Уларнинг охирги учрашуви 2013 йил сентябрда Санкт-Петербургда “Йигирмалик” саммити доирасида ўтказилган эди. Ўшанда асосий мавзуга Сурия айланган эди. Аммо 2014 йилдан бошлаб Украина инқирози туфайли икки мамлакат муносабати ёмонлашиб борди. Шундан буён 2014 йилда Путин ва Обама икки марта учрашишди – июнь ойида Нормандиядаги байрамона тадбирда ва ноябрь ойида Хитойдаги АТЭС саммитида. Аммо ҳар иккала тадбирда ҳам улар суҳбат ўтказиш учун махсус вақт ажратмаган эдилар.

Ушбу учрашувга келиш олдидан томонлар узоқ муддат музокаралар олиб бордилар. Учрашув масаласи ҳал бўлгач, АҚШ биринчи бўлиб бундай таклифни Кремль берганини таъкидлашга шошилди. Путиннинг ёрдамчиси Юрий Ушаков, ўз навбатида, учрашув санасини Оқ Уй таклиф қилганини ошкор қилди.

Рейтинг:
  • Dislike
  • 0
  • Like
Ҳавола:
Рейтинг@Mail.ru