Хитойлик собиқ миллионер итлар учун бошпана яратаман деб қарзга ботди » Ўзбекистон янгиликлари – Zamin.uz
20-11-2015 | 15:30 ZAMIN.UZ / Дунё / 20 Ноябр 2015 года
550

Хитойлик собиқ миллионер итлар учун бошпана яратаман деб қарзга ботди

Хитойлик собиқ миллионер Ван Янь итлар учун бошпана яратаман деб, ўз мол-мулкини сотди, дея хабар бермоқда «Интерфакс». Унинг давлати бир неча миллион юан (1 доллар 6 юанга тенг)га баҳоланган эди.

Foto: “Travel2moscow.com”

2012 йилда 29 ёшли Ван Янь севимли итини йўқотиб қўйиб, уни қидириш чоғида жониворлар кушхонасидаги манзараларга гувоҳ бўлгач, у ерни сотиб олиб, унинг ўрнида бошпана қуришга қарор қилди.

Бироз вақт ўтиб, у ерда сақланаётган итлар сони мингтагача ҳам етди, уларнинг кўпчилиги янги эгалари қўлларига топширилди. Айни пайтда бошпанада 215 тача кучук сақланмоқда.

Ван Янь хайрия билан шуғуллана бошлагач, унинг моддий аҳволи ёмонлашди, қарзлари йиғилиб қолди. Бироқ у бундан ҳеч ҳам умидсизлангани йўқ, аксинча, бошпанани юритишда унга ёрдам берадиган кишилар топилишига ишончи комил.


Манба: Daryo.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru