БМТ Хавфсизлик Кенгаши резолюцияси дунё ИШИДга қарши бирлашганини кўрсатади — Кэмерон » Ўзбекистон янгиликлари – Zamin.uz
21-11-2015 | 10:27 ZAMIN.UZ / Дунё / 21 Ноябр 2015 года
457

БМТ Хавфсизлик Кенгаши резолюцияси дунё ИШИДга қарши бирлашганини кўрсатади — Кэмерон

Буюк Британия бош вазири Дэвид Кэмерон 20 ноябрь, жума куни БМТ Хавфсизлик Кенгаши томонидан қабул қилинган резолюцияни дунёнинг ИШИД жангариларига қарши бирлашувини кўрсатиб берадиган муҳим ҳодиса деб атади. Бу ҳақда «Корреспондент.net» хабар бермоқда.

Foto: Reuters

«Халқаро жамоатчилик ягона фронтга бирлашди ҳамда ҳар қандай мамлакат ва ҳар қандай диндаги кишиларга таҳдид солувчи ёвузликни енгишга қарор қилди», — дея таъкидлади Кэмерон.

Бош вазир сўзларига кўра, у ўз парламентини террорчиларнинг Суриядаги нуқталарини бомбардимон қилиш учун рухсат бериш зарурлигига кўндиришга уринишда давом этади. Буюк Британия ҳукуматида Ироқ ҳудудига ҳаводан зарба бериш бўйича парламентдан рухсат бор, бироқ Сурияга зарба бериш учун — йўқ.

Нашр эслатишича, БМТ ХК томонидан қабул қилинган резолюция мамлакатларни ИШИД, шунингдек, Ироқ ва Суриядаги бошқа террорчилик ташкилотларига қарши кураш учун халқаро ҳуқуққа мувофиқ барча зарур чораларни кўришга чақиради.


Манба: Daryo.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru