Ирландияда ишга боришни истамаган ходим дўстини ИШИД номидан офисда жойлаштирилган бомба ҳақида хабар беришга кўндирди » Ўзбекистон янгиликлари – Zamin.uz
25-11-2015 | 21:50 ZAMIN.UZ / Дунё / 25 Ноябр 2015 года
612

Ирландияда ишга боришни истамаган ходим дўстини ИШИД номидан офисда жойлаштирилган бомба ҳақида хабар беришга кўндирди

Ирландияда Intel субпудратчиси бўлган компаниянинг собиқ ходими ишга бормаслик учун дўстини Балбригган шаҳридаги Intel офисига бомба жойлаштирилгани тўғрисида ёлғондакам хабар беришга кўндирган. Бу ҳақда The Irish Times манбаларига таяниб, «Интерфакс» хабар бермоқда.

Foto: The Irish Times

Шу йил январида 20 ёшли Аарон О`Нил дўсти Колин Хаммонд билан иш якунланганидан сўнг алкоголь ичиб ва кейинчалик тан олганидек, баъзи дорилардан истеъмол қилиб, эртасига ишга чиқмасликка қарор қилади. Унга таксофондан шошилинч ёрдам хизматига (999) қўнғироқ қилиб, компания офисига жойлаштирилган бомба ҳақида хабар бериш учун дўстига озгина чойчақа тўлаш ғояси келади.

Хаммонд тонгги 6 да қўнғироқ қилиб, Intel офисида 12 соатдан сўнг бомба ишга тушиши тўғрисида хабар беради. Хизмат ходимининг ким қўнғироқ қилгани ҳақидаги саволига «ИШИД», дея жавоб беради. Натижада Балбригган полицияси М4 махсус автомобиль йўлини тўсади, Intel компаниясининг 300 нафар ходими эвакуация қилинади, 3,7 минг нафар ходим эса ишга боролмайди.

Полиция шу йил мартида аноним террорчиларни аниқлашга муваффақ бўлди. Октябрда суд мажлиси бўлиб ўтди ва гарчи икки йиллик қамоқ жазоси варианти бўлса-да, Хаммонд 200 соатдан иборат жамоат иши жазосига ҳукм қилинди. Унинг айтишича, дўсти ишини ёқтирмаган ва  Хаммонд унга ён босиб, муаммони ҳал этишга ҳаракат қилган. Сохта теракт ташаббускори бўлган О`Нилга нисбатан ҳукм чиқарилишини суд январга қадар, йигит жамоат ишларига яроқли эканлиги аниқлангунча қолдиришга қарор қилди. Суд йигитлар аввал судланмаганини инобатга олди.


Манба: Daryo.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru