Россия икки мингта суриялик фуқарога вақтинчалик бошпана берди » Ўзбекистон янгиликлари – Zamin.uz
27-11-2015 | 13:02 ZAMIN.UZ / Дунё / 27 Ноябр 2015 года
445

Россия икки мингта суриялик фуқарога вақтинчалик бошпана берди

Россия Федерал миграцион хизмати бошлиғи Константин Ромодановский МДҲ давлатларининг миграция идоралари раҳбарлари кенгашининг Санкт-Петербург шаҳрида бўлиб ўтаётган мажлисида Россия икки мингта суриялик фуқарога вақтинчалик бошпана берганини маълум қилди, деб хабар қилади «ТАСС».

Foto: “Izvestiya”

«Сурияда содир бўлаётган воқеалар туфайли Россияда вақтинчалик бошпана топган ушбу давлат фуқароларининг сони икки мингга яқинлашди», ― дея маълум қилди Ромодановский.

Унинг сўзларига кўра, Россия Федерациясининг 85 та субъектларидаги ФМХ ҳудудий идораларига чет эл фуқароларидан қочоқ мақомини олиш учун 1166 илтимоснома келиб тушган бўлиб, шундан 26,8% – Афғонистон, 23% ― Сурия ва 22,6% ― Украина фуқароси мурожаат қилган. 104 кишига қочоқ мақоми берилган ва бу мурожаат қилганлар умумий сонининг 8,9% ни ташкил этади.

ФМХ ҳудудий идораларида рўйхатда турган ва қочоқ мақомига эга бўлган умумий фуқаролар сонининг аксарият қисми Сурия (46,6%) ва Украина (35,4%) фуқароларига тўғри келиши таъкидланди.


Манба: Daryo.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru