Қорачой-Черкасияда полицияга ўт очган жиноятчи йўқ қилинди » Ўзбекистон янгиликлари – Zamin.uz
28-11-2015 | 00:23 ZAMIN.UZ / Дунё / 28 Ноябр 2015 года
410

Қорачой-Черкасияда полицияга ўт очган жиноятчи йўқ қилинди

Қорачой-Черкасияда шахси номаълум бўлган жиноятчилар полиция ходимларини ўққа тутди ва қарши ўт очиш натижасида уларнинг автомобили портлатилди ҳамда автомобилда бўлганлардан бири ҳалок бўлди. Бу ҳақда республика Ички ишлар вазирлиги матбуот хизмати берган маълумотларга таяниб, «ТАСС» хабар бермоқда.

Foto: “Kavkaz segodnya”

Воқеа Малокарачаeв туманидаги Учкекен қишлоғида юз берган.

«Жиноятчиларнинг автомобилини Шимолий Кавказ Федерал Округи Ички ишлар вазирлиги бош бошқармаси ходимлари Кисловодск шаҳри томонидан таъқиб қилиб келиб, Қорачой-Черкасия полициячилари уни тўхтатишга ҳаракат қилган вақтда, номаълум шахслар уларга қарата ўт очди ва қарши ўт очиш натижасида жиноятчиларнинг автомобили портлаб кетди», ― дея маълум қилди идора вакили.

«Натижада бир киши ҳалок бўлган. Автомобилнинг ичида нечта жиноятчи бўлганлиги номаълум. Полиция ходимлари зарар кўрмаган», ― деди у.

Тахмин қилинишича, автомашинада суюлтирилган газ баллони бўлган ёки транспорт воситасига ёқилғи газ мосламаси ўрнатилган бўлган.


Манба: Daryo.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru