Ҳиндистонннинг шимолида рўй бераётган совуқ туфайли 92 киши ҳалок бўлди » Ўзбекистон янгиликлари – Zamin.uz
26-12-2014 | 00:48 ZAMIN.UZ / Дунё / 26 Декабр 2014 года
1 068

Ҳиндистонннинг шимолида рўй бераётган совуқ туфайли 92 киши ҳалок бўлди

Ҳиндистонннинг шимолида рўй бераётган совуқ туфайли 92 киши ҳалок бўлди

Ҳиндистонннинг шимолида мисли кўрилмаган совуқ тушиши оқибатида охирги бир неча кун ичида 92 киши совқотишдан ҳалок бўлди. Маҳаллий ҳукумат расмийларининг таъкидлашларича, мамлакатнинг кўпгина туманларида кузатилаётган паст ҳарорат олдинги йиллардаги кўрсаткичлардан юқори бўлди.

Энг кўп қурбонлар шимолда жойлашган, аҳоли энг зич жойлашган ва иқтисодий қолоқ штатлардан бўлган Уттар-Прадеш штатига тўғри келди. Одатда бу ерда қиш мавсумида ҳарорат 4 градусдан пастга тушмаган, бироқ 25 декабрга ўтар кечаси ҳарорат кўрсаткичи 1,8 ° га тушиб кетди. Умуман олганда кўпгина ҳудудларда меъёрдагидан 4-10° паст ҳарорат бўлиб турибди.

Ушбу штат ҳукумати бошпанасизлар учун вақтинчалик уй-жойлар ташкил этиш, уларни ёқилғи ва одёллар билан таъминлаш мақсадида 10,6 млн рупий (170 минг доллар атрофида) миқдорида маблағ ажратди.

Ҳиндистон учун бундай паст кўрсаткичдаги совуқлар билан бирга мамлакатнинг шимолий қисмига қуюқ туманлар ҳам келди. Туман оқибатида автомобиль, темир йўл ва авиа алоқалар издан чиқди. Нью-Деҳлининг ўзида 150 дан зиёдроқ авиарейс ва 100 га яқин узоқ масофага юрувчи поездлар жўнаши кечиктирилди ёки бошқа ватқга кўчирилди.
Йўлларда кўриш даражасининг пастлиги туфайли ҳар куни кўплаб йўл-транспорт ҳодисалари рўй бермоқда, ўнлаб одамлар нест-нобуд бўлмоқда. 25 декабрь куни Деҳлидан келувчи шосседа 30 дан зиёдроқ автомобиль тўқнашиб кетди. Натижада беш киши ҳалок бўлди, 10 дан зиёдроқ киши жароҳат олди.

Об-ҳаво мутахассислари берган маълумотларга кўра, яқин кунларда об-ҳавонинг яхшиланиши кутилмаяпти.

Манба: Kun.uz

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru