«МегаФон» техник носозлик туфайли 25минг мижозининг карталаридан пул ечиб олди » Ўзбекистон янгиликлари – Zamin.uz
04-01-2015 | 17:28 ZAMIN.UZ / Дунё / 04 Январ 2015 года
794

«МегаФон» техник носозлик туфайли 25минг мижозининг карталаридан пул ечиб олди

«МегаФон» техник носозлик туфайли 25минг мижозининг карталаридан пул ечиб олди

Россиянинг «МегаФон» мобиль оператори техник носозлик туфайли бутун Россия бўйлаб 25минг мижозининг пластик карталаридан пул ечиб олди. Ечиб олинган умумий пул миқдори маълум қилинмади. Фойдаланувчилар ижтимоий тармоқларда 1 январдан бошлаб телефон рақамларига боғлаб қўйилган пластик карталардан пул ечиб олингани ҳақида шикоят қилишган. Бу ҳақида “ТАСС” га асосланиб “Kun.uz” хабар бермоқда .

Кейин эса, «МегаФон» матбуот хизматида мижозлар карталаридан ечиб олинган пулларни тўловлар сифатида қайтиб олишлари мумкинлиги ҳақида ахборот берилди.

“Техник носозлик вужудга келди, ҳозирда у бартараф этилди. Ҳозирги вақтга келиб, барча ечиб олинган пуллар мижозлар ҳисобига қайтарилмоқда. Мижозлар керак бўлганда тўловларни “мобиль ўтказма” хизматидан фойдаланиб, банк картасига ўтказиш йўли билан нақд пулларга алмаштириб олишлари мумкин. Бу ҳолатда бу хизмат учун комиссия тўлови олинмайди”, – дейилади хабарда.

Маълумот учун, «МегаФон» Россиядаги учта йирик мобиль операторлардан бири ҳисобланади. 2014 йилнинг сентябрь ойи охирига келиб, операторнинг мижозлари сони 71,5 миллионга етган.

Фото: ИТАР-ТАСС

Бизни Телеграм орқали кузатиб боринг: https://telegram.me/zaminuz

Рейтинг:
  • Dislike
  • 0
  • Like
Ҳавола:
Рейтинг@Mail.ru