2 829
Шавкат Мирзиёев: «Турк инвесторларга худди Туркиядаги каби шароитлар яратиб берилади»
Ўзбекистон президенти Шавкат Мирзиёевнинг Туркия республикасига ташрифи давом этмоқда.
Бугун, 20 февраль куни Шавкат Мирзиёев пойтахт Анқарадаги JW MARRIOT меҳмонхонаси конференциялар залида турк ишбилармон доиралари ва ташкилотлари раҳбарлари билан учрашуви бошланди.
Учрашувни Ўзбекистон президенти Шавкат Мирзиёев очиб берди.
Ўзбекистон етакчиси нутқини сўнгги йилларда Ўзбекистонда қулай бизнес муҳитини яратиш бўйича қилинаётган ўзгаришлар ва хорижий инвесторларга яратиб берилаётган имкониятлар ҳақидаги фикрлари билан бошлади.
«Бугунги Ўзбекистонда бизнес муҳити мутлақо ўзгарган. Биз инвесторлар учун ўз эшикларимизни очдик. Мен кафолат бераманки, Ўзбекистонда инвесторларга худди Туркиядаги каби барча шароитлар яратиб берилади.
Бизда аввал инвестиция бўйича қонунлар йўқ эди. Биз ўтган йили инвестиция бўйича қонун қабул қилдик. Бу қонун билан эндиликда Ўзбекистонда инвесторларнинг барча ҳуқуқлари ҳимоя қилинади.
Инвестиция бўйича вазиримиз жаноб Умурзоқов (Инвестициялар ва ташқи савдо вазири Сардор Умурзоқов) ва жаноб Гулямов (президентнинг иқтисодиёт соҳаларини ривожлантириш, инвестиция ва ташқи савдо сиёсатини амалга ошириш масалалари бўйича маслаҳатчиси Равшан Ғуломов - таҳри) эндиликда фақат сизлар билан ишлайди. Мен топшириқ берганман, бизда вазирликдаги 5 нафар ходим фақат инвестиция бўйича ишламоқда», дея президентнинг сўзларини келтирмоқда Kun.uz нашри.
Шавкат Мирзиёев турк тадбиркорларини ҳам фаолликка чорлар экан, энди ҳаракат қиладиган вақт келганини таъкидлади.
«Сизлар бир нарсани билинглар, энди ҳаракат қиладиган пайт келди. Биз Туркия компаниялари билан ишлаш бўйича институционал тизимни йўлга қўйишимиз керак», деди у. “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Ўзбекистонда зилзилага тайёргарлик кучайтирилади
Зеленский: Россия Украинанинг иссиқлик энергетикасини деярли тўлиқ яксон қилди
Қондаги шакар миқдорини тартибга солувчи фойдали мева номи айтилди
Хотирани яхшилашнинг жуда оддий усули топилди
Бизнес имкониятингизни кенгайтиринг
Қозоғистонлик миллиардерлар сув тошқинидан зарар кўрган ҳудудларга маблағ ажратди