Хитойда ёшларбоп кроссовер 9 минг доллардан сотилади » Ўзбекистон янгиликлари – Zamin.uz

Хитойда ёшларбоп кроссовер 9 минг доллардан сотилади

Авто 16-07-2016, 11:35 1 415
Хитойда ёшларбоп кроссовер 9 минг доллардан сотилади

Beijing Auto компанияси ва Yinxiang мото ишлаб чиқарувчи ширкати Bisu номли ҳамёнбоп янги бренд ташкил этишди. Бренд ёш харидорларга мўлжалланган, деб хабар бермоқда "Carzone.uz" сайти.

Bisu маркасининг илк қалдирғочи Bisu S25 ихчам кроссовери бўлди. Кроссовер асосида Beijing Auto ишлаган платформа ётибди. Кузови икки хил рангда. Европача дизайни ёшларни ўзига жалб қилади.

Аммо нархи ҳаммасидан кўра кўпроқ харидорни жалб этади. Олди тортадиган асос модификацияси 60 минг юан ёки 8965 доллар туради. Бир муддат ўтиб тўла узатмали модификацияси дунё юзини кўради, у 70 минг юан ёки 10460 долларга баҳоланмоқда.

Bisuнинг асосий рақобатчилари Great Wall M4, Chery Tiggo 3 ва Changan CS35 авторусумларидир.

Bisu S25 арзон нархи билан ихчам кроссоверлар сегментидан ўз ўрнини топиши мумкин. Бироқ Хитойнинг деярли барча автомобилсоз компаниялари ўзининг ихчам кроссоверини ишлаб чиқаришини ҳам айтиб ўтиш лозим.


Zamin.uz нинг Telegram’даги расмий каналига обуна бўлиб, янгиликлардан хабардор бўлинг.