Тошкент Универмаги биноси ёнида дарахтнинг йирик шоҳи қулаб тушди » Ўзбекистон янгиликлари – Zamin.uz

Тошкент Универмаги биноси ёнида дарахтнинг йирик шоҳи қулаб тушди

Авто 6-08-2016, 17:38 1 582
Тошкент Универмаги биноси ёнида дарахтнинг йирик шоҳи қулаб тушди

Бугун, 6 август тахминан соат 13:25да Тошкент Универмаги биноси ёнида йўл четидаги дарахтнинг катта шоҳи синиб, пастга қулади, деб ёзмоқда "Qalampir" нашри. Натижада қаровсиз қолдирилган икки автомобиль жиддий зарар кўрди. Дархт шоҳлари Cobalt ва Matiz русумидаги икки автомобиль устига тушган. Matiz автомобилининг олд ойнаси синди, Сobalt русумидаги машинанинг олд қисми бироз шикастланди.

Гувоҳлар берган маълумотларга қараганда, дарахт остида яна бир автомобиль бўлган. Унинг эгаси эса автомобилини хавфсиз жойга олишга улгурган.

Бахтсиз ҳодиса натижасида ҳеч ким жабрланмади.

Бундай ҳолат Тошкент шаҳрида биринчи бор кузатилаётгани йўқ. Ёғингарчилик, кучли шамол натижасида йўл четидаги бир неча йиллик дарахтларнинг ағдарилиб, автомобилларга зарар етказгани ҳақида аввал ҳам хабар берган эдик. Тошкент шаҳар ҳокимияти ва Ободонлаштириш бош бошқармаси бундай ҳолатларнинг олдини олиш юзасидан чора-тадбирлар кўрса, мақсадга мувофиқ бўларди. Бахтсиз ҳодисаларнинг олди олинарди.


Zamin.uz нинг Twitter’даги расмий саҳифасига обуна бўлиб, янгиликлардан хабардор бўлинг.