Энг тажрибали ҳайдовчиларни ҳам эсанкиратиб қўядиган йўллар рейтинги » Ўзбекистон янгиликлари – Zamin.uz
08-01-2017 | 04:53 ZAMIN.UZ / Авто / 08 Январ 2017
625

Энг тажрибали ҳайдовчиларни ҳам эсанкиратиб қўядиган йўллар рейтинги

Аксарият кишилар ҳаётнинг муайян қисмини бир манзилдан иккинчисига етиб олишга сарфлашади. Эрталаб туриб, ишга кетаётганимизда кўпинча йўлларнинг тирбандлигига дуч келамиз, кечқурун уйга қайтаётганимизда яна шу аҳвол... Бу вазият катта шаҳарларда яшовчи ҳар бир кишига таниш ва афсуски, ҳозирча бу борада яхши томонга ўзгаришлар йўқ. Don't Panic нашри аҳолиси доимий тирбандликдан азият чекувчи 10 мегаполис рўйхатини тақдим этди, деб ёзади Кун.уз сайти.

10-ўрин. Буэнос-Айрес, Аргентина
Энг тажрибали ҳайдовчиларни ҳам эсанкиратиб қўядиган йўллар рейтинги

Буэнос-Айрес шоппинг учун энг яхши жой бўлиши мумкин, ахир унинг кўчалари замонавий бутикларга тўла. Бироқ, йўлларда муаммоларга дуч келувчи шаҳарлар орасида ҳам унинг номи қайд этилган. Бу ерда мунатазам равишда йўл-транспорт ҳодисалари (ЙТҲ) содир бўлади, чунки маҳаллий ҳайдовчилар бундай тирбандликда йўл ҳаракати қоидаларига риоя қилишмайди.

9-ўрин. Гвадалахара, Мексика
Энг тажрибали ҳайдовчиларни ҳам эсанкиратиб қўядиган йўллар рейтинги

Гвадалахаранинг ажойиб ва ранг-баранг маданияти мамлакат фахри ҳисобланади. Маҳаллий аҳоли жамоат транспортидан кўра ўз транспорт воситаларини афзал кўради. Бу эса шундоқ ҳам мукаммалликдан йироқ бўлган шаҳар тизимига оғирлик қилади. Бундан ташқари, шаҳарда углерод оксиди муаммоси мавжуд: атрофдаги ўрмонлар уни қайта ишлай олмайди.

8-ўрин. Бангкок, Таиланд
Энг тажрибали ҳайдовчиларни ҳам эсанкиратиб қўядиган йўллар рейтинги

Бангкок кўчалари бўйлаб ҳаракатланиш — ўлим билан ўйнашишдек гап. Тезкор скутерларнинг кўплиги ҳаттоки энг тажрибали ҳайдовчиларни ҳам эсанкиратиб қўяди, эндигина машина ҳайдашни ўрганганларни эса гапирмаса ҳам бўлади. Тропик иқлим бу вазиятни янада қийинлаштиради: жазирамадан асфальт ҳам эриб кетади.

7-ўрин. Рим, Италия
Энг тажрибали ҳайдовчиларни ҳам эсанкиратиб қўядиган йўллар рейтинги

Муқаддас шаҳар йилнинг барча мавсумларида сайёҳларга тўла бўлади. Бу ерга Папани кўриш учун ташриф буюрувчи зиёратчилар ҳам кўпчиликни ташкил қилади. 2015 йилги ҳисоботга кўра, Рим ЙТҲ бўйича дунёнинг энг хавфли шаҳарларидан бири ҳисобланади. Муаммоларнинг асосий манбаи - бу ерда жуда кўпчиликни ташкил қилувчи мотоциклчилар.

6-ўрин. Москва, Россия
Энг тажрибали ҳайдовчиларни ҳам эсанкиратиб қўядиган йўллар рейтинги

Москва ушбу рўйхатда муносиб олтинчи ўринни эгаллаган. Бу шаҳар кўчалари шу қадар тирбандки, одамлар ишга бориш учун бир соатдан ортиқ вақт кетказишади. Қиш мавсумида вазият бундан-да мураккаблашади: қорга бурканган трассалар — тезкор пойгалар учун тўғри келмайди.

5-ўрин. Санкт-Петербург, Россия
Энг тажрибали ҳайдовчиларни ҳам эсанкиратиб қўядиган йўллар рейтинги

Россиянинг энг кўркам шаҳрида ҳам йўлга боғлиқ муаммолар талайгина. Санкт-Петергбург йўлларидаги тирбандликни Москвадаги вазиятга тенглаштириш мумкин. Қиш фаслида бу шаҳарда ҳам ҳаракатланиш қийинлашади.

4 - ўрин. Сурабая, Индонезия
Энг тажрибали ҳайдовчиларни ҳам эсанкиратиб қўядиган йўллар рейтинги

Йўл транспорти модернизациялашган тизимга эга эмаслиги мазкур шаҳар трассаларини асаби жойида бўлмаганлар учун ҳақиқий синовга айлантиради. Бу ерда "тошбақа" тезлигида ҳаракатланиш - оддий ҳол. Йўловчилар-ку йўлларда бемалол "саёҳат" қилишади. Улар машиналар орасидан ўтиб, шусиз ҳам оғир вазиятни янада мураккаблаштиришади.

3-ўрин. Мехико, Мексика
Энг тажрибали ҳайдовчиларни ҳам эсанкиратиб қўядиган йўллар рейтинги

20 миллион аҳоли ва 7 миллион автомобиль: тирбандлик Мехиконинг ажралмас қисмига айланган. Йил сайин ўсиб бораётган машиналар сони тез орада шаҳарни умуман ҳаракатсизликка олиб келмаса бўлгани. Ҳатто катталиги бўйича дунёда иккинчи ўринни эгаллаган метрополитен ҳам бу вазиятни бартараф қилишга ожиз.

2-ўрин. Истанбул, Туркия
Энг тажрибали ҳайдовчиларни ҳам эсанкиратиб қўядиган йўллар рейтинги

Йўллардаги муаммоларнинг аксарияти маҳаллий ҳайдовчиларнинг қизиққонлиги туфайли юзага келади. Хусусий автотранспортнинг кўплигини ҳам инкор қилиб бўлмайди, албатта. Тиғиз соатларда ишдан уйга қайтиш қанчалик қийинчилик туғидиришини сўз билан таърифлаш қийин!

1-ўрин. Жакарта, Индонезия
Энг тажрибали ҳайдовчиларни ҳам эсанкиратиб қўядиган йўллар рейтинги

Мана икки йилдирки, Жакарта "дунёнинг энг тирбанд шаҳри" мақомини олиб келмоқда. 30 миллион (!) аҳоли ҳар куни ўз автомобили босими остида қолади. Шаҳарнинг ноқулай инфратузилмаси вазиятни янада қийинлаштиради.



Zamin.uz нинг Telegram’даги расмий каналига обуна бўлиб, янгиликлардан хабардор бўлинг.