Жорий йилнинг 1 октябридан импорт қилинадиган бир неча номдаги товар ва маҳсулотлар учун божлар олиб ташланиши ёки пасайтирилиши таклиф қилинди.
Ўзбекистон Республикаси Иқтисодиёт вазирлиги томонидан ишлаб чиқилган Президент қарори лойиҳаси муҳокама учун Ўзбекистон Республикаси норматив-ҳуқуқий ҳужжатлар муҳокамаси порталига жойлаштирилди, деб ёзади Qalampir нашри.
Янги қарор лойиҳасида 97 турдаги маҳсулот гуруҳига янги импорт божлари ставкаси ҳамда 36 турдаги маҳсулот гуруҳига нол ставкадаги акциз солиғи жорий қилиш таклиф қилинган.
Давлат божи ставкаларини қайта кўриб чиқиш аҳолининг истеъмол эҳтиёжини қондириш, ички бозорда нархларнинг асоссиз ўсишини олдини олиш ҳамда маҳаллий ишлаб чиқарувчилар учун эҳтиёт қисмлар ва хом-ашёни импорт қилишда қулай муҳит яратиш мақсадида амалга оширилмоқда.
Қарор лойиҳасида нефть ва нефть маҳсулотлари, қорамол, мол гўшти, балиқ маҳсулотлари, сут, картошка, бошоқли маҳсулотларга давлат божидан озод этилиши таклиф қилинган.
Импорт қилинадиган автомобилларга давлат божи ставкаси ўзгаришсиз қолдирилган.
Аввалроқ, 12 сентябрда Ўзбекистон Республикаси Президентининг “Ўзбекистон Республикасида ташқи иқтисодий фаолиятни янада тартибга солиш чоралари тўғрисида”ги қарори асосида 15 сентябрдан шакар маҳсулотлари давлат божидан озод этилгани ҳақида хабар берган эдик. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонда зилзилага тайёргарлик кучайтирилади
Эрдўғон: «Исроил Гитлердан ҳам ўтиб кетди»
«Реал Мадрид» устози Карло Анчелотти кечаги ғалабадан сўнг нималар деди?
Қозоғистонлик миллиардерлар сув тошқинидан зарар кўрган ҳудудларга маблағ ажратди
Хотирани яхшилашнинг жуда оддий усули топилди
Бизнес имкониятингизни кенгайтиринг
АҚШ разведкаси: Украина 2024 йил охиригача урушда ютқазиши мумкин
Қондаги шакар миқдорини тартибга солувчи фойдали мева номи айтилди
