06:30 / 27.09.2017
7 415

GM Uzbekistan 45 дақиқада автомобиль эгаларини аниқлайди

GM Uzbekistan 45 дақиқада автомобиль эгаларини аниқлайди
GM Uzbekistan компаниясининг расмий сайтида «45 дақиқа ичида автомобиль!» деб номланган янги рукн очилди, деб ёзади Кун нашри.

Ушбу бўлимда «45 дақиқа ичида автомобиль!» дастури доирасида савдога қўйилган автомобиллар рўйхати билан танишиш мумкин. Мижоз автомобиль учун тўлов қилган заҳоти унинг эгасига айланади. Рўйхат ҳар куни янгиланиб боради.

«Мазкур тақсимот асосида, автомобиль сотиб олиш истагидаги мижозлар шартнома тузиш учун дилерлик корхоналарига тўғридан-тўғри мурожаат қилишлари мумкин», — дейилган GM Uzbekistan сайти хабарида.

Дастур доирасидаги жадвалдан GM Uzbekistan’даги барча дилерлари (автосалонлари) ўрин олган бўлиб, уларда ҳар бир дилер ихтиёрида 45 дақиқа ичида сотиб олиш мумкин бўлган Matiz, Spark, Nexia 3, Cobalt ва Lacetti автомобиллари сони кўрсатилган.

Компания автомобиллар сони чегаралангани ҳақида қўшимча қилган.

Агар дилер ихтиёрида «45 дақиқада автомобиль!» дастури доирасида сотиладиган автомобиллар қолмаган бўлса, мижоз кейинги ойлар тақсимоти ҳисобидан бериладиган автомобиль учун электрон буюртмани расмийлаштириши мумкин бўлади.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Авто » GM Uzbekistan 45 дақиқада автомобиль эгаларини аниқлайди