Хонанда Сардор Раҳимхон Telegram’да унинг ўлими ҳақида хабар тарқатганларга инсоф тилади

  • Маданият
  • 6-06-2016, 20:11
  • 4 390
  • Хонанда Сардор Раҳимхон Telegram’да унинг ўлими ҳақида хабар тарқатганларга инсоф тилади

    Бир муддат аввал Telegram мессенжерида хонанда Сардор Раҳимхоннинг вафот этгани ҳақида асоссиз хабарлар тарқатиш орқали Telegram-каналларга янги обуначиларни тўплаш амалиёти бошланган эди, деб ёзади "Дарё" нашри.

    «Ўзбекистон эстрада юлдузи Сардор Раҳимхон бахтсиз ҳодиса сабаб оламдан кўз юмди», — деган гапдан сўнг, «Барча маълумотлар мана бу ерда» деб махсус ҳавола кўрсатилган ва уни босган фойдаланувчи у ёки бу Telegram-каналга обуна бўлган.

    Хонанданинг ўзи Instagram’даги саҳифаси орқали мазкур ҳолатга муносабат билдирди: «Рамазон ойида бировнинг кўнглини ранжитиш гуноҳи оғир. Бировга ўлим тилагандан кўра, ўзига умр тиласа бўларди. Азизлар, бундай гап-сўзларга эътибор берманг. Худога шукр, соғ-саломатман. Аллоҳ бундай инсонларга ўзи жазо берсин, яхшиси, инсоф берсин».