Марҳум сухандон Абдумўмин Ўтбосаровнинг ўғли уйланди » Ўзбекистон янгиликлари – Zamin.uz

Марҳум сухандон Абдумўмин Ўтбосаровнинг ўғли уйланди

Маданият 13-11-2016, 21:04 1 462
Марҳум сухандон Абдумўмин Ўтбосаровнинг ўғли уйланди

Ўзбекистон халқ артисти, марҳум сухандон Абдумўмин Ўтбосаровнинг ўғли Жамшид Ўтбосаров 12 ноябрь куни оила қурди. Бу ҳақда сухандоннинг энг яқин дўстларидан бири, Ўзбекистонда хизмат кўрсатган маданият ходими Муслимбек Йўлдошев фейсбукдаги саҳифаси орқали маълум қилган. Саҳифада ёш фоторассом Шуҳрат Усмонов томонидан туширилган суратлар келтирилган.

Тўйга ўзбек шоу-бизнеснинг энг ёрқин вакиллари, жумладан, "Санъат гуруҳи", Зиёда, Алишер Файз, Манзура, Шаҳзод, Мавлуда Асалхўжаева, "Шош" гуруҳи, Раъно Ярашева каби санъаткорлар ташриф буюриб, Ўтбосаровлар оиласини ушбу қувончли кун билан қутлашган.

Тошкентдаги “Зебу зар” ресторанида бўлиб ўтган висол оқшомида сухандоннинг шогирдлари, ёш бошловчилар ҳам ҳозир бўлишган.

Эслатиб ўтамиз, Абдумўмин Ўтбосаров 2015 йилнинг 31 декабрь куни 56 ёшида оламдан ўтган эди.


Zamin.uz нинг Одноклассники’даги расмий саҳифасига обуна бўлиб, янгиликлардан хабардор бўлинг.