Мирзабек Ҳолмедовнинг ўлими ҳақидаги хабар ёлғон эканлиги тасдиқланди » Ўзбекистон янгиликлари – Zamin.uz

Мирзабек Ҳолмедовнинг ўлими ҳақидаги хабар ёлғон эканлиги тасдиқланди

Маданият 25-11-2016, 22:04 1 211
Мирзабек Ҳолмедовнинг ўлими ҳақидаги хабар ёлғон эканлиги тасдиқланди

Бугун ижтимоий тармоқлар, шу жумладан телеграм каналлари орқали таниқли сўз устаси Мирзабек Ҳолмедовнинг ўлими ҳақидаги хабарлар тарқалди.

"Мирзабек Ҳолмедов кутилмаганда юз берган юрак хуружи оқибатида бугун соат 16:50да касалхонада ҳаётдан кўз юмди", деб ёзилган хабар матнида.

Ушбу хабарга аниқлик киритиш мақсадида Kun.uz нашри Мирзабек Ҳолмедовнинг оила аъзолари билан боғланиб хабарни ёлғон эканлигини аниқлган. Маълум бўлишича, санъаткор ҳозирда кўҳна Самарқанд шаҳрида гастроль сафарида экан.

Мирзабек Ҳолмедовнинг ўғли Улуғбек ўзининг Instagram тармоғидаги саҳифаси орқали ҳам бу хабарга муносабат билдириб, унинг ёлғон эканлигини тасдиқлади.

Бундан аввал ижтимоий тармоқларда "Дев ва пакана" фильми орқали томошабинларга танилган актёр Нодир Саидалиевнинг бевақт ўлими ҳақида хабар берилганди. Шу муносабат билан актёр билан бир фильмда ишлаган таниқли сўз устаси Обид Асомов ўзининг Instagram'ида актёрнинг оила аъзоларига ҳамдардлик билдирган, ушбу пост остида Мирзабек Ҳолмедов ҳам Нодир Саидалиевнинг оиласи ҳамда дўстларига сабр тилаб, изоҳ қолдирган.


Zamin.uz нинг Одноклассники’даги расмий саҳифасига обуна бўлиб, янгиликлардан хабардор бўлинг.