Францияда жаҳон киноси афсонаси вафот этди » Ўзбекистон янгиликлари – Zamin.uz

Францияда жаҳон киноси афсонаси вафот этди

Маданият 21-12-2016, 09:47 644
Францияда жаҳон киноси афсонаси вафот этди

Франциялик афсонавий актриса Мишель Морган 96 ёшида вафот этди, деб хабар бермоқда "Франс Пресс" ахборот агентлигига асосланиб Kun.uz сайти.

Актрисага жаҳоншумул шуҳратни "Туманлар соҳилбўйи" (1938) фильмидаги Нелли роли келтирган, у бу фильмда Жан Габен билан бирга суратга тушган. Мутахассислар Морганни кинематограф тарихидаги "энг чиройли кўзлар" соҳибаси деб аташган.

"Кинематографнинг энг чиройли кўзлари сешанба куни, 20 декабрда, ҳаётининг 97-йилида абадий юмилди", дейилди хабарда.

Актриса Канн кинофестивалининг энг яхши аёл роль учун мукофоти (1946), кинематографдаги буюк хизматлари учун "Сезар" (1992) ва "Олтин шер" (1996) мукофотларини олган. 1960 йилда Морган Голливуддаги "Шон-шуҳрат хиёбони"да ўзи шарафига юлдуз билан тақдирланган.


Zamin.uz нинг Одноклассники’даги расмий саҳифасига обуна бўлиб, янгиликлардан хабардор бўлинг.