21:24 / 27.04.2017
8 721

«Амар, Акбар, Антони» фильмининг бош қаҳрамонларидан бири вафот этди

Машҳур ҳинд актёри, Болливуднинг 1970—1980 йиллардаги юлдузи Винод Кханна Мумбайда оламдан ўтди. NDTV телеканалининг маълум қилишича, актёр оғир касаллик туфайли 70 ёшида шаҳар касалхоналаридан бирида вафот этган, деб ёзади «Дарё» нашри.
«Амар, Акбар, Антони» фильмининг бош қаҳрамонларидан бири вафот этди
Кханна актёрлик фаолиятини 1970 йилларнинг бошида бошлаган ва бир неча йил ичида Ҳиндистоннинг севимли актёрларидан бирига айланган. Унинг иштирокидаги «Қалбим ўғриси» (1976), «Амар, Акбар, Антони» (1977), «Тақдир ҳукмдори» (1978), «Чандни» (1989) ва бошқа фильмлар ўз даврида томошабинларнинг севимли киносига айланиб улгурган эди. Маҳаллий матбуот уни «Болливуддаги сўнгги романтик актёрлардан бири» деб атаган.

Шунингдек, Кханна сиёсатда ҳам фаол иштирок этган — у «Ҳиндистон халқ партияси» аъзоси бўлган ва парламент қуйи палатасига сайланган. Бундан ташқари, маданият ва туризм вазири бўлиб, Ташқи ишлар вазирлигида ҳам фаолият юритган. Телеканалнинг қайд этишича, сўнгги вақтларда Кханна касаллиги сабаб актёрлик ва сиёсий фаолиятини йиғиштиришга мажбур бўлган эди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Маданият » «Амар, Акбар, Антони» фильмининг бош қаҳрамонларидан бири вафот этди