Бейонсе Billboard версияси бўйича 2016 йилнинг энг кўп ҳақ оладиган мусиқачиси деб тан олинди » Ўзбекистон янгиликлари – Zamin.uz

Бейонсе Billboard версияси бўйича 2016 йилнинг энг кўп ҳақ оладиган мусиқачиси деб тан олинди

Маданият 16-07-2017, 08:08 459
Бейонсе Billboard версияси бўйича 2016 йилнинг энг кўп ҳақ оладиган мусиқачиси деб тан олинди
Хонанда Бейонсе Billboard журнали версияси бўйича 2016 йилнинг энг кўп ҳақ оладиган мусиқачилари рейтинги бошига келди. Бу «ТАСС»га таяниб «Дарё» хабар бермоқда.

Ўтган йил давомида у 62,1 миллион доллар ишлаб топди. Бу маблағнинг 54,7 миллион долларлик қисмини унга янги Lemonade альбомини қўллаб-қувватлаш учун уюштирилган халқаро турне келтирди.

Рейтингнинг иккинчи ўрнида Guns N’Roses гуруҳи турибди. Шу пайтгача давом этаётган тур туфайли мусиқачилар ҳисобот даврида 42,3 миллион доллар ишлади. Брюс Спрингстин 100 минг долларга камроқ пул ишлади (42,2 миллион доллар).

Кучли ўнликка, шунингдек, рэпер Дрейк 37,3 миллион доллар), хонанда Адель (37 миллион доллар), Coldplay гуруҳи (32,3 миллион доллар), хонанда Жастин Бибер (30,5 миллион доллар), рэпер Канье Уэст (26,1 миллион доллар), шунингдек, икки кантри ижрочиси — Люк Брайан (27,3 миллион доллар) ва Кенни Чесни (25,4 миллион доллар) кирди.
loading...


Zamin.uz нинг Одноклассники’даги расмий саҳифасига обуна бўлиб, янгиликлардан хабардор бўлинг.