«Арслон изидан» фильми август ойининг биринчи ҳафтасида энг кўп томошабин тўплаган ўзбек фильми бўлди

Режиссёр Азиз Раметовнинг «Арслон изидан» фильми август ойининг биринчи ҳафтасида энг кўп томошабин тўплаган ўзбек фильми бўлди. Бу ҳақда Алишер Навоий номидаги киносарой томонидан тақдим этилган маълумотларга асосланиб, журналист Феруз Муҳаммад маълум қилди.

Август ойининг биринчи ҳафтаси кинорейтингида «Арслон изидан» фильмидан кейинги ўринларни Азамат Аҳроровнинг «Қайсаргинам 2», Журъат Сотиболдиев ва Саидпўлат Ҳакимовнинг «Аҳмадбой ва Раҳматбой», Отабек Мирзахоловнинг «Жоним йиғлоқи», Жаҳонгир Аҳмедовнинг «Онам билмасин» фильмлари банд этган.

Маълумот учун, ҳозирда Алишер Навоий номли киносаройда «Ҳамроҳ», «Бебаҳогинам», «Вой дод 2», «Оташ ичра» каби фильмлар намойиши давом этмоқда.

31 июль — 6 август оралиғида энг кўп томошабин тўплаган ўзбек фильмлари

1-ўрин. «Арслон изидан» (жангари, драма)
Режиссёр – Азиз Раметов

2-ўрин. «Қайсаргинам 2» (комедия)
Режиссёр – Азамат Ахроров

3-ўрин. «Аҳмадбой ва Раҳматбой» (комедия)
Режиссёр – Журъат Сотиболдиев, Саидпўлат Ҳакимов

4-ўрин. «Жоним йиғлоқи» (комедия)
Режиссёр – Отабек Мирзахолов

5-ўрин. «Онам билмасин» (комедия)
Режиссёр — Жаҳонгир Аҳмедов «Замин» янгиликларини «Вконтакти»да кузатиб боринг