07:11 / 22.09.2017
7 313

«Тахтлар ўйини» муаллифлари сериалга яна бир спин-офф ишланишини маълум қилди

«Тахтлар ўйини» муаллифлари сериалга яна бир спин-офф ишланишини маълум қилди
HBO телеканали фэнтези жанридаги «Тахтлар ўйини» сериалининг бешинчи спин-оффи ишлаб чиқарилишини маълум қилди. Бу ҳақда «Entertainment Weekly»га таяниб «Дарё» хабар бермоқда.

Айтилишича, янги лойиҳа оригинал сериалнинг приквели бўлади. Унинг устида америкалик продюсер, «Тахтлар ўйини» сценарийнависларидан бири Брайан Когман оригинал романлар муаллифи Жорж Мартин билан бирга ишлайди.

Лойиҳанинг бошқа тафсилотлари маълум эмас. Ҳозирча унда «Тахтлар ўйини» сериали қаҳрамонлари иштирок этмаслиги аниқ, холос.

Мартин ўз блогида янги сериал унинг китобларидан бирига асосланишини билдириб ўтди.

Илгари «Тахтлар ўйини»га тўртта спин-офф ишланиши маълум қилинган эди. Янги лойиҳа бу турдаги бешинчи сериал бўлади.

Спин-офф — асосий сюжетга қисман дахлдор бўлган, бошқа қаҳрамонлар иштирокидаги баён.

Приквел — воқеалари оригинал сюжетдан олдин рўй берадиган баён.

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Маданият » «Тахтлар ўйини» муаллифлари сериалга яна бир спин-офф ишланишини маълум қилди